سەرنووچە:

ئیران.. ب تۆھمەتا سیخوریێ سزایێ زیندانیکرنێ بسەر ئەفسەرەکێ ئەمریکی دا هاتە سەپاندن

ئیران.. ب تۆھمەتا سیخوریێ سزایێ زیندانیکرنێ بسەر ئەفسەرەکێ ئەمریکی دا هاتە سەپاندن
فۆتۆ: ئەرشیف
2019-03-11

387 جار خوێندراوەتەوە

دادگەھا مەشھەدێ ب تۆھمەتا سیخوڕیکرنێ ل ئیرانێ، سزایێ زیندانیکرنێ بسەر ئەفسەرەکێ ئەمریکی دا سەپاند.

 لگۆری نووچەیەکا ڕووپەلا مھری یا ئیرانی، ئەڤرۆ دوو شەمبیێ (١١ێ ئادارا ٢٠١٩ێ) دادگەھا مەشھەدێ سزایێ زیندانیکرنێ بسەر مایکل وایت ئەفسەر د ھێزێن دەریایێن ئەمریکا دا سەپاند.

ئەو یەک ژی ڕاگەھاند، ھەر چەندە دادگەھێ ب زەلالی بەحسا بڕا سزایێ زیندانیکرن و تۆھمەتا کو بسەر ئەفسەرێ ئەمریکی دا سەپاندی نەکریە، لێ ب گوتنا معەلی سادقی پەیڤدارێ دادگەھا ئیرانێ، ناڤبری ب تۆھمەتا بەلاڤکرنا زانیاریێن گشتی و کارێ سیخوڕیێ ھاتیە سزا دان.

دایکا مایکل وایت دەبارەی چارەنڤیسێ کوڕێ خۆ ل ئیرانێ دیارکر، کوڕێ وێ ل مەھا یەک یا ئەڤ سالە بۆ دیتنا خۆشتڤیا خۆ چوویە وی ولاتی، لێ زێدەتر ژ دوو مەھانە چارەنڤیسێ کوڕی وێ نەدیارە و ل دەستپێکا دەستەسەرکرنا وی ھاتیە  ئەشکەنجەدان.

ئەوی یەک ژی دایەزانین، وەزارەتا دەرڤەیا ئەمریکا ئاگەھدارە لسەر دەستەسەرکرنا کورێ وێ، بێ ئاگەھیا خۆ ژی لسەر چوونا کوڕی خۆ د بەرێ دا بۆ وی ولاتی نیشاندا.

مایکل وایت ئەفسەر بوویە د ھێزێن دەریایێن ئەمریکا دا، د چلەیا ئەڤ سالە دا و د دەما سەفرکرنێ بۆ ولاتێ ئیرانێ ھاتیە دەستەسەرکرن.

س.م