سەرنووچە:

زەریفی: ژبۆ ئەمریکایێ یا ھەری باش ڕێکەفتنا ئەتۆمییە

محەمەد جەواد زەریف وەزیرێ دەرڤەیێ ئیرانێ
فۆتۆ: ئەرشیڤ
2019-03-02

266 جار خوێندراوەتەوە

پشتی قەبوولنەکرنا نامەیا دەست ژ کارکێشانا حەسەن ڕۆحانی، وەزیرێ دەرڤەیێ ئیرانێ د یەکەم داخویانیا خۆدا ڕاگەھاند، دۆناڵد ترەمپ ژبلی ڕێکەفتنا ئەتۆمی یا دگەل وەلاتێ وی چ رێکەفتنەکا باشتر دەست ناکەڤیت.

 دەربارێ شکەستنا گۆتۆبێژێن د ناڤبەرا دۆناڵد ترەمپ سەرۆکێ ئەمریکا و کیم جۆنگ ئون سەرۆکێ کۆریا باکور دا، محەمەد جەواد زەریف د تویتەکێ دا ڕاگەھاند، ھەر پەیڤەکا ڕێکەفتنا ئەتۆمی کو ژ ١٥٠ پەرەیان پێک ھاتیە، بۆ دەما دوو سالان، ب ھزاران دەمژمێران جڤین لسەر ھاتینە کرن.

ڕۆژا پێنج شەمبێ دۆناڵد ترەمپ سەرۆکێ ئەمریکا شکەستنا گۆتۆبێژێن خۆ دگەل کیم جۆنگ ئون سەرۆکێ کۆریا باکور ل ھانۆیا پایتەختێ ڤێتنامێ ڕاگەھاند، بۆ پاقژکرنا چەکێ ئەتۆمی ل گزیرتا کۆیایێ.

حەفتیا بووری، وەزیرێ دەرڤەیێ ئیرانێ محەمەد جەواد زەریف بڕیارا دەست ژ کارکێشانێ دا، لێ حەسەن ڕۆحانی دەست ژ کارکێشانێ قەبوول نەکر.

س.م