سەرنووچە:

چارسەد سەربازێن ئەمریکی ل باکورێ سوریایێ دمینن

ترەمپ ڕازی بوویە
فۆتۆ: 
2019-02-23

291 جار خوێندراوەتەوە

بەرپرسەکێ بلندێ ئەمریکایێ راگەهاند، دۆناڵد ترەمپ سەرۆکێ ئەمریکایێ رازیبوویە، ٤٠٠ سەربازێن خوە ل سوریایێ بهێلە.

بەرپرسێ بلندێ ئەمریکی بۆ ئاژانسا رۆیتەرزێ هوردەکاریێن هێشتنا بەشەک ژ سەربازێن وەلاتێ خوە ل سوریایێ ئاشکرا کر و دازانین، ٤٠٠ سەربازێن ئەمریکی د ناڤبەرا هەرێما ئارام کو ل باکورێ سوریایێ بەحسا وی تێ کرن و بنکەیا تەنەف یا سنورێ عێراق و ئۆردنێ دێ بێن بجهـ کرن.

ژ ئالیەکی دن ڤە شۆن روبرستۆن پەیڤدارێ پنتاگۆنێ راگەهاند، هێزێن چاڤدێریا سەر ب ناتۆیێ ژی د گەل هێزا ئەمریکایێ دێ جارەکی دن دەرکەتنا داعشێ و ئەولەهیا سوریایێ بپارێزن.

پەیڤدارێ پنتاگۆنێ دیار کر، د گەل بجهکرنا بەشەک ژ هێزێن ئەمریکایێ، دێ پرۆسەیا ڤەکشاندنا هیزێن ئەمریکی ب ئاوایەکی رێکخستی بەردەوام بە.

ژ ئالیەکی دن ڤە دۆناڵد ترەمپ سەرۆکێ ئەمریکایێ دازانین، بریارا هێشتنا هەژمارەک سەربازێن ئەمریکی ل باکورێ سوریایێ نایێ واتەیا وێ یەکێ کو بریارا ڤەکشاندنا هێزێن ئەمریکی ل سوریایێ نایێ جیبجیکرن.

بەرپرسێن ئەمریکایێ کو بەرێ بریارا ترەمپ رەخنەکربوون ل هەمبەر بریارا نوو یا هێشتنا بەشەک ژ هێزێن ئەمریکی ل سوریایێ، دلخوەشن و دیاردکن ب وێ بڕیارێ تشتێ کو ل عێراقێ روودا ل سوریایێ روونادە و رێ ل دەرکەتنا داعشێ دگرە.

هـ.ج