سەرنووچە:

ئەمریکا تەڤاهیا هێزێن خوە ژ سوریایێ ڤەناکێشە

فۆتۆ: 
2019-02-22

308 جار خوێندراوەتەوە

کۆشکا سپی راگەهاند، ئەمریکا تەڤاهیا هێزێن خوە ژ سوریایێ ڤەناکشینە و بەشەک ژ هێزێن وان ل وی وەلاتی دمینن.

سارا ساندەرس پەیڤدارا کۆشکا سپی د راگەهاندنەکێ دا دیار کر، بەشەکا کێم یا هیزێن ئەمریکایێ کو هەژمارا وان ٢٠٠ سەرباز دبن، دێ ب ئاوایەکێ دمکی ل سوریایێ بمینن.

هەڤدەم بەرپرسەکێ دن یێ ئەمریکایێ بۆ کەنالا سی ئێن ئێن راگەهاند، ٢٠٠ سەربازێن ئەمریکی دێ ب سەر دوو بەشان دا بێن پارڤەکرن، بەشەک ژ وان ل ناڤچەیا ئەلتەنەف ل نیزیکی سنورێ عێراق – ئۆردنێ و بەشەک ژی ل باکورێ رۆژهەلاتێ سوریایێ دی بمینن.

لیندزی گراهام سیناتۆرا ویلایەتا کارۆلینا یا باشور کو یەک ژ بەرپرسێن ئەمریکایێ یە کو بریارا ڤەکشاندنا هێزێن ئەمریکا ژ سوریایێ رەخنەکربوو، پێشوازی ل هێشتنا هێزێن ئەمریکا ل سوریایێ کر و بۆ کەنالا سی ئێن ئێن دازانین، هێشتنا بەشەک ژ هێزێن ئەمریکا ل سوریایێ، گەرەنتیا وێ یەکێ یە کو سەرکەفتنێن ئەمریکایێ ل سوریایێ ب هەدەر ناچن.

هەروەسا دازانین، هێشتنا هێزێن ئەمریکایێ، رێ ل سەرهەلدانا داعشێ دگرە و ئەمریکا ژی وێ ڤالاهیێ تژی ناکە کو ئەمریکا بجهـ دهێلە. هەڤدەم شەر و پەڤچوون د ناڤبەرا هێزێن کوردی و تورکیا دا روونادە و تشتێ ل عێراقێ روودا ل سوریایێ روونادە.

دۆناڵد ترەمپ سەرۆکێ ئەمریکایێ، د ١٩ێ کانونا ٢٠١٨ێ دا بریارا ڤەکشاندنا تەڤاهیا هێزێن ئەمریکایێ ژ سوریایێ دابوو.

هـ.ج