سەرنووچە:

ڕێکخراوا ئارتێشا عەدل بەرپرسیاریا خۆ ژ هێرشا ئیرانێ نیشان دا

ڕێکخراوا ئارتێشا عەدل بەرپرسیاریا خۆ ژ ھێرشا ئیرانێ ڕاگەھاند
فۆتۆ: ئەرشیڤ
2019-02-15

655 جار خوێندراوەتەوە

ڕێکخراوا ئارتێشا عەدل د بەیاننامەکێ دا بەرپرسیاریا خۆ ژ ھێرشا تەقاندنا پاسەکا ئەفسەرێن ئارتێشا پاسدارێن ئیرانێ ڕاگەھاند، کو د ئەنجامێ دا ٢٧ سەرباز ھاتن کوشتن.

 ڕێکخراوا ئارتێشا عەدل ئەڤرۆ پێنجشەمبیێ (١٥ێ سباتا ٢٠١٩) د بەیاننامەکێ دا ڕاگەھاند، "ب بەرنامەیەکێ پلان بۆ داڕشتی و دیارکرنا جھێ گونجایی ب ترۆمبێلەکا بۆمبەکری مە کاری وێ ھێرشێ ب سەرکەفتیانە پێکبینین".

ھەروەسا دیارکر، بۆ جیبجیکرنا ڤێ پلانێ شەش مەھان بەریا نھا بەرنامە بۆ ھاتیە داڕشتن و ئەو ئاگەھداربوون کو ٤٠ ڕۆژان جارەک پشکەک ژ سەبازێن ئارتێشێ گۆھەرتن د جھێن وان دا دھێتە کرن، ھەروەسا ھندەک ئاریشەیێن دی ھێرش پاشخست.

ئەو یەک ژی زەلالکر، د پاسێ دا ٤٠ ئەفسەرێن ئارتێشا پاسدارێن ئیرانێ تێدابوونە کو ٢٧ ژوان ب وێ تەقینێ جانێ خۆ ژدەست دانە.

ڕۆژا چارشەمبیا بووری (١٣ێ سباتا ٢٠١٩ێ)، ل نێزیک ڕێکا خاش – زاھیدان، یا ھەرێما سیستان و بلوجستانا باشورێ ڕۆژھەلاتا وی ولاتی، تەقینەکا خۆکۆژی د دەما دەرباسبوونا پاسەکا نەفەرھەلگر یا سەر ب ئارتێشا پاسداران ڕوودا و ب وێ سەدەمێ ٢٧ کەس ھاتن کوشتن و ١٧ێ دی ژی برینداربوون.

س.م