سەرنووچە:

تورکیا، ڕوسیا و ئیران: دژی ھەر پرسەکا پارڤەکرنێینە د سوریایێ دا

د جڤینا سۆچیێ دا
تورکیا، ڕوسیا و ئیران: دژی ھەر پرسەکا پارڤەکرنێینە د سوریایێ دا
فۆتۆ: 
2019-02-15

299 جار خوێندراوەتەوە

سەرکردەیێن تورکیا، ڕوسیا و ئیرانێ ڕاگەھاندنا ھەڤپشکا گۆپیتکا سوریایێ ل سۆچی ئیمزاکرن و ڕاگەھاندن، دژی ھەر پرسەکا پارڤەکرنێنە د سوریایێ دا.

 ڕەجەب تەیب ئەردۆغان سەرۆک کۆمارێ تورکیایێ، ڤلادیمیر پوتین سەرۆکێ ڕوسیا و حەسەن ڕوحانی سەرۆک کۆمارێ ئیرانێ، دەربارەی پرسا سوریایێ بۆ جارا چارێ ل سۆچی جڤیان و تێدا ڕاگەھاندنەکا ھەڤپشک بەلاڤکرن.

د ڕاگەھاندنا ھەڤپشکا تورکیا، ڕوسیا و ئیرانێ دا ھاتیە: ھەڤ نەرینین لسەر پێکئینانا ھەڤبەندیێ بۆ ئاشتی و ئارامیێ د باکوورێ ڕۆژھەلاتا سوریایێ دا".

ھەر د ڕاگەھاندنێ دا بەحسا وێ یەکێ ژی ھاتیە کرن، "ھەرسێ ولاتان ڕژدیا خۆ لسەر پرسێن جوداخوازێن سوریایێ تەکەز دکەن و دژی ھەر پارڤەکرنەکێینە".

ھەروەسا دیارکرنە، "ڤەکێشانا ئارتێشا ئەمریکایێ د سوریایێ دا دێ ئارامی و ئاسایشێ بھێزتر کەت". ھەڤدەم ھەرسێ سەرکردەیان ڕژدیا خۆ لسەر یەکپارچەیی و سەروەریا ئاخا سوریایێ نیشاندانە و تەکەز کرنە نابیت چ ئالییەک وی بنەمایی بنپێ بکەت.

ئەڤە ژی دەمەکێ دایە، ئەمریکا بڕیارا ڤەکێشانا ھێزێن خۆ د سوریایێ دا دایە، دەڤەرەکا زێدە یا ڕۆژھەلاتا وی ولاتی د دەست ھێزێن یەپەگێ دایە و داخوازا ئۆتۆنۆمی و خۆبرێڤەبرنێ د سوریایێ دا دکەن و تورکیا ژی ب دژواری لھەمبەر ڤێ پرسێ ڕاوەستایە.

س.م