سەرنووچە:

ل باژارێ ئادانا یا تورکیایێ، ٢٤ وەلاتیێن کورد هاتن دەستەسەرکرن

د سالڤەگەرا گرتنا ئۆجالان دا
فۆتۆ: 
2019-02-14

325 جار خوێندراوەتەوە

هێزێن ئەولەهیا باژارێ ئادانا یا تورکیایێ ب تۆمەتا ئەندامتیا پەکەکێ ٢٤ وەلاتیێن کورد دەستەسەرکرن.

مالپەرا سی ئێن ئێن تورک دیار کر، کەسێن کو هاتنە دەستەسەرکرن د تۆرێن جڤاکی دا، ب هەلکەفتا سالرۆژا گرتنا عەبدولا ئۆجالان رێبەرێ پەکەکێ، نڤیس و وێنە بەلاڤ کرنە و پرۆپاگاندە بۆ پەکەکێ کرنە.

هەروەسا دازانین، هێزێن ئەولەهیێ و تیمێن تایبەت ب سەر ٣٨ مال و ناڤنیشانان دا گرتنە و ئۆپەراسیۆن بەردەوام دکە.

دوهی ١٣ێ سباتێ ب ئارمانجا ئاستەنگکرنا چالاکیێن شەرمەزارکرنا کۆمپلۆیا ناڤدەولەتیا لدژی ئۆجالان، هێزێن ناڤخوەیێن تورکیایێ ل باکور و تورکایێ دەست ب ئۆپەراسیۆنان کرن.

ل گۆری میدیایێن تورکیایێ د ئۆپەراسیۆنەکێ دا ل باژارێ وانێ ٢٧ کەس ب تۆمەتا ئامادەکاریان بۆ شەرمەزارکرنا کۆمپلۆیا ناڤدەولەتی یا لدژی عەبدۆلا ئۆجالان رێبەرێ پەکەکێ، هاتن دەستەسەرکرن.

د بەردەوامیا ئۆپەراسیۆنان ل باژارێ کۆجائەلی، ٩ کەسێن دن ب تۆمەتا ئەندامتیا پەکەکێ و هەولدان بۆ لدارخستنا چالاکیێن شەرمەزارکرنا کۆمپلۆیا ناڤدەولەتیا لدژی ئۆجالان هاتن دەستەسەرکرن.

هـ.ج