ڤەلڤینا نەوەی نوێ و کابینەیا نەهێ
PM:05:40:11/06/2022
2308 جار خوێندراوەتەوە
حەسەن محەمەد عەلی
+
-
نێرینەکا سیاسی دناڤبەرا سیاسەتا ڤەلڤینا نەوەی
نوێ وەکو هێزەکا نووێ یاکو ژێدەرێ وێ یێ سەرەکی گەنج و ژنن و کابینەیا نەهێ یا حکومەتا
هەرێما کوردستانێ کو ژێدەرێ وێ پسپۆر و سیاسەتڤان و شێورمەندن.
ڤەلڤینا نەوەی نوێ وەکو هێزەکا جودا و کاریگەر
دەرکەفت هەر زووی ب زووی ڤەلڤینا نەوەی نوێ دناڤ خەلکی دا گەشەکر و رەنگڤەدا د تەرازیا سیاسی یا عێراق و هەرێما کوردستانێ
دا لسەر ئاستێ ناڤخۆ و دەرڤە.
ئەڤ هێزا سیاسی هەر لدەستپێکێ وەکو هێزەکا ئۆپۆزسیۆنی
و حکومەتەکا سێبەر کەفتە ململانێ دگەل کابینەیا نەهێ یا حکومەتا هەرێما کوردستانێ یاکو
ب سەرۆکاتیا مەسرور بارزانی و جێگرێ وی قوباد تالەبانی ڤە دهێتە رێڤەبرن.
ڤەلڤینێ سیاسەتا بێ هیڤیبوونێ گوهۆری بۆ هێڤی
و ئومێدان ب پاشەرۆژێ.
دگەل هندێ سیاسەتا ئێک شکاندن و پێکڤەمانێ
گوهۆری بۆ سیاسەتا خزمەتکرنا خەلکی.
ئەو تشتێ ڤەلڤینا نەوەی نوێ ژ ئالیێن دیتر یێن سیاسی جودا دکەت ؟
ئەو چەندیە کو روژ ب روژ دکەڤیتە تەحەدایێ
دگەل حکومەتێ ژپێخەمەت دروستکرنا فشارێ لسەر حکومەتێ و هاندانا وێ بۆ خزمەتکرنا خەلکێ.....
بگرە ژ خۆپێشاندان و دابەشکرنا هزاران تانکەرێن
ئاڤێ بۆ هەولێرا پایتەخت وهەروەسا چەندین جار دابەشکرنا پانزینا 500دیناری ل سلێمانیێ
ولدوماهیێ
و دابینکرنا دەرمانێن پێتڤی بۆ نەخۆشخانەیا
سلێمانیێ ل بەغداد ب بهایێ ملیونەها دولارا و دابەشکرنا پانزینا 650دیناری ب کواڵێتیەکا
باش بۆ سەرجەم پارێزگەهێن هەرێما کوردستانێ ژبلی کومەکا کارێن دیتر .......
ئارمانج ژئەڤان کار و دەستپێشخەریێن نەوەی نۆێ
چ بووییە؟
١- خزمەتکرنەکا پێتڤی بۆ خەلکێ.
٢- دەرئێخستنا روویێ راستەقینەیێ دەستهەلاتێ.
٣- ئاشکرا کرنا هندێ کو زۆرینەیا ئەڤان قەیرانێن
هەرێمێ قەیرانێن ب دەست چێکرینە و ئەگەرێ وان کومپانیێن حزبینە.
٤- هوشیارکرنا رایا گشتی ل هەمبەر مافێن وان .
لێ ئەو تشتێ جهێ سەرەنج راکێشانێ یە کو دەستهەلاتا
هەردوو زۆنان؛ زۆنا زەر، زۆنا کەسک کو ل جهێ هندێ سەربوورەکێ ل سیاسەتا ئەڤێ هێزێ
وەربگرن و تشتەکێ ژێ فێرببن یان لایەنێ کێم چاڤ لێ بکەن و ژ وێ باشتر خزمەتا خەلکێ
بکەن، دژایەتیا وێ دکەن و رێگریێ لێ دکەن و هەتا ئەوی رادەی شیانێن تەحەداکرنێ دگەل
ئەڤێ هێزێ نینن.
بەلێ ئەڤ هەموو رێگریە زۆر باشتر ئەڤێ هێزێ د
ئێخیتە د ڤەلڤینێ دا و دەستهەلات ب هەموو کریارێن خۆیێن ناشرینڤە خۆ ناشرینتر لێ
دکەت ل هەمبەر خەڵکێ و رایا گشتی.