ئەوێن خۆ بخۆدانێ دهۆکێ دزانن پێتڤیە ڤان کاران بکەن
PM:08:17:27/05/2022
5804 جار خوێندراوەتەوە
ئارام حسێن
+
-
ئەڤرۆ ٥٣ سالە دهۆک ژ قەزایێ بوویە پارێزگەهـ و
٣١ سالە کورد فەرمانڕەوایێ لێ دکەن، لێ پێتڤیە ئەوێن خۆ ب خودانێن دهۆکێ دزانن ڤان
کارا بۆ خەلکی بکەن.
داهاتێ زەبەلاح یێ ژ پەترۆل و سامانێن خودایی یێن
ڤێ پارێزگەهێ دهێت ل خەلکێ وێ بهێتە مەزاختن و پرۆژەیێن ژ هەژی وێ قوربانیا دهۆکیان
دایی بهێنە دروست کرن نەک داهات بهێتە دزین و تالانکرن.
پێتڤیە ڕەوشا ژیارا دهۆکیان بهێتە خوشکرن نەک وەلاتیێن
وێ هەژارترین وەلاتی بن ل سەر ئاستێ عێراقێ ددەمەکی دا مەزنترین بازرگانی د دەروازەیێن
وێ یێن سنوری دا دگەل وەلاتێن جیهانێ دهێتە کرن.
بلندترین رێژا بێکاریێ ل دهۆکێ یە پێتڤیە دەلیڤێن
کاری بۆ گەنج و دەرچوویێن دهۆکێ بهێنە دیتن و کارگەهێن پیشەسازی و جهێن گوزاری بهێنە
دروستکرن ژبەرکو ئەو سروشتێ ل دهوکێ هەی ل کێم باژێرێن جیهانی هەیە لێ ژ بەر بێخودانیێ
چ مفا ژێ نەهاتیە وەرگرتن.
مەزنترین زەڤیێن چاندنێ کو بەروبومەکێ زۆر و جورا و جور و باش ژێ بەرهەم
دهێت لێ ژبەر نەبوونا چ کارگەهان و نەبوونا پلانەکا باش بو فرۆتنا ڤی بەرهەمی پتریا
جوتیاران نەشێن زەڤیێن خو شین بکەن لەوما پێتڤیە کار بهێتەکرن بو هندێ کو ئەڤ بەرهەمە
ب هەروە نەچیت و داهات بۆ خەلکێ دهۆکێ ژ ڤی کەرتێ گرنگ بهێت.
تانوکە خەلکێ دهۆک بو وەرگرتنا چارەسەریێن نەخوشان
یان دچنە دەرڤەی وەلاتی یان باژێرێن دی مانە گونەهە پارێزگەهەکا وەکی دهۆک هێش یا
بێ نەخوشخانەیەکا گونجای و ئەو نەخوشخانەیێن حکومی یين هەین ژی پتریا وان یێن بەری
سەرهلدانێ نە و ژ کار کەفتینە و یێن سەردەمێ حکومەتا هەرێمێ ژی ب هەیکەل مایینە.
دهۆک یا یا هەڤسنورە دگەل سێ وەلاتان هێش یا بێ
بالەفڕخانەیە و دەستهەلاتدارێن هەرێمێ هێشتا خەلێ ڤێ پارێزگەهێ ژ هەژی بالەفڕخانەیەکێ
نابینن.
مەزنترین رێژا پەترۆلێ ل دهۆکێ یە ئەڤ چەند زڤستانن
خەلکێ دهۆکێ گاز نە وەرگرتی و ژبەر گرانیا بهایێ پەنزینێ سپێدەهیان دچنە میسل سرا یێ
دگرن.
چەندین ریبارێن مەزن د سنورێ پارێزگەها دهۆکێ ڕا
دەربازدبن تا نوکە سکرەکێ هوسا نەهاتیە دروستکرن کو مفا ژ ڤێ ئاڤێ بهێتە دیتن و د
هشکە سالیێ دا بهێتە بکارئینان.
هەمی پێتڤیێن دابینکرنا کارەبێ ل دهۆکێ هەنە و
هێشتا خەلکێ دهۆکێ حەقێ دوو کارەبان ددەن و دبێ کارەبن.