ئیدى هەرێم ب تەمامى کەفتیە د مەترسیێ دا
PM:05:13:25/11/2021
46192 جار خوێندراوەتەوە
جەلال جەلالەدین
+
-
ئیدارەدانا هەرێمێ و بڕێڤەبرنا وێ یاکو نها دهێتە دیتن ناڤودەنگیا هەرێمێ گەلەک
کرێت کریە و بڕاستى ژى ئیدى هەرێم کەفتیە د مەترسیەکا مەزن دا لێ ئەم هەست پێ ناکەین .
ئەز وەلاتیەکێ ڤێ هەرێمێ مە پێدڤى ناکەت ژ دەستپێکا ژیانا خۆ کو من چ دیتە
و چ نە دیتیە بۆ هەوە هەمیێ بەحس بکەم ، ژبەر کو ژ رۆژا ئەز ژ دایکبوویمە و هەیا
نوکە نەخۆشى هەبووینە د ڤێ هەرێما ئەز تێدا ژیانێ دکەم ، بتنێ دێ بێژم برێڤەبرنا هەرێما
کوردستانێ ژلایێ چەند کەسێن دیارکریى ڤە ب ئاوایەکێ کو هەیا نها نەشیاینە لدیف
داخازیێن خەلکى بچن رۆژ لدیڤ رۆژێ قەیران ژى زێدەتر لێ دهێن و نەک چارەسەریا هەردەمى
بۆ ناهێتە دیتن بەلکو هزر د چارەسەرکرنێ ژيدا بۆ ئاریشەیێن دەسپێکێ نەهاتیە دیتن و
هەتا هزر ژى تێدا نەهاتیەکرن .
بۆ نمونە چەندین رۆژن خوێندکارێن زانکۆ و پەیمانگەهێن هەرێمێ لسەر جاددەیانە
بۆ داخازکرنا بچیکترین مافێ خۆ یێ دەسپێکى کو چەندین سالن حکومەتا هەرێمێ ب هێجەتا
کریزێن دارایى ئەو مافێ وان ژى وەرگرتیە کو بتنێ ١٥٠ هزار دینارن ، ئانکو ئەگەر
حکومەت نەشێن ڤی کۆژما پارەى بۆ خوێندکاران دابین بکەت ، ئەرێ خوێندکار و گەنج چاڤەڕێ
چ بکەن !
ڕەوشا نها یا هەرێمێ ژ کۆنترۆلا هێزێ دەرکەفتیە ئەو هێزا کو ئەو دخازن وەک
خۆ بکاربینن ، میدیا و سۆشیال میدیا و نێزکیبوونا جیهانێ ل هەڤدوو، وەسا لێ هاتیە
کو دەستهەلات نوکە نەشێن ئەو ڕەوشا کو نوکە ل هەرێمێ هەی ڤەشێریت .
ئاریشەیێن نوکە هەین ل هەرێمێ مەزنتر و بەرفرەهتر دبن ڤێ یەکێ ژى ئیرادەکا
گەلەکا مەزن دڤێت هەیاکو بەس پیچەک ژى بشێن بەرێ وێ بدەنە رێکەکێ ، دڤێت دەستهەلاتا
نوکە بزانیت ب ڤى جورێ نوکە نەشێن ئیدارەیا هەرێمێ بکەن و برێڤەبرنا کوردستانێ ب ڤى
ئاوایى ئیدى ب تەمامى هەرێم د کەڤیتە د مەرترسیێ دا.
نوکە ب هزارەهان خەلک ل بیلاڕوسیا ئاسێ مانە و دەنگێ وان لسەر ئازادى و برسیوونێ
و نەبوونا کار گەهشتیە هەمى جیهانێ ئەڤە بوویەرەکا گەلەکا مەزنە لدەف وەلاتێن جیهانێ
و ب گرنگى ڤە ژى لێ دهێتە تەماشەرکرن لێ ئەم نوکە هەست پێ ناکەین دێ ئەڤ بوویەرە د
دەمێن بهێت دا گەلەک باش دیار بیت بلا بەرسڤا وێ بو وى دەمى بیت .
نوکە خەلک گەلەک یێ توڕە و بێزارە ژ رێڤەبرنا ئیدارەدانێ ب ڤى ئاوایى ، ئەگەر
بەردەوام بیت ، دێ هەر بێژم و بێژم ئیدى هەرێم کەفتیە د مەترسیێ دا .