AM:09:53:06/07/2022
1608 جار خوێندراوەتەوە
+
-
سەرۆکێ دەستەیا حەج و عومرەیا عێراقێ ڕاگەهاند، هەر حەجییەکێ عێراقی کو نها
بۆ بجهئینانا فەریزەیا حەجێ ل سعودیەیە کۆژمێ ٧٠٠ ریالان کو دکەنە نێزیکی ١٩٠ دۆلار
وەکی دیاری وەردگرن.
سامی ئەلمەسعودی سەرۆکێ دەستەیا حەج و عومرەیا عێراقێ د ڕاگەهاندنەکێ دا
ئاماژە ب وێ کر، بڕیار دایە وەکی بەرچاڤ وەرگرتنا رەوشا داراییا حەجیان و دیاری و
جەژنانە هەر حەجییەکێ عێراقی ٧٠٠ ریالێن سعودی پێ بهێنەدان.
بەحسا وێیەکی ژی کر، پڕۆسەیا حەجا ئەڤسالە پشتی دوو سالان ژ ئەنجامنەدانێ ژبەر
ڕێکارێن کۆرۆنایێ تا نها ب رێک و پێکی و بێ ئاریشە برێڤە چوویە و شیاینە ب باشی کارێن
حەجیێن عێراقی ل سعودییە ئەنجامبدەن.
ئەڤەژی د دەمەکیدایە، بۆ وەرزێ حەجا ئەڤسالە ١٥ هزار و ١٢٨حەجی ل عێراقێ بەرێ خۆ دایە عەرەبستانا سعویە کو ژ وێ هەژمارێ ژی دوو هزار
و ١٢٠ حەجی وەلاتیێن هەرێما کوردستانێ نە.