AM:11:54:05/07/2022
828 جار خوێندراوەتەوە
+
-
هات و چوونا پارێزگەها دهۆکێ ڕاگەهاند، د شەش
مەهێن دەربازبووی دا بسەدەما بوویەران ٤١ کەسان ژیانا خۆ ژ دەستدایە و ٤٧٩ کەس ژی
برینداربووینە. دەربارەی رۆژانێن جەژنێ ژی دبێژیت، هەر کەسێ سەرپێچیەکێ بکەت
ترۆمبێلا وی ناهێتە بەردان هەیا پشتی جەژنێ.
ئازاد تاها، رێڤەبەرێ ڕاگەهاندنا هاتن و
چوونا پارێزگەها دهۆکێ د کۆنفڕانسەکێ رۆژنامەڤانی دا ڕاگەهاند، شەش مەهێن
دەربازبووی لسەرتاسەری پارێزگەهێ ٣٨٣ بوویەرێن هاتن و چوونێ روویدانە و تێدا ٤١
کەسان ژیانا خۆ ژ دەستدایە و ٤٧٩ کەسێن دی ژی برینداربووینە.
ئاماژە ب وێیەکێ ژیکر، دڤان شەش مەهاندا ٦
هزار و ٢٠٨ مولەت ب شۆفێران هاتینە دان، ژوانا ژی هزار و ١٤٥ مولەتێن تایبەت ژ ئالیێ ئافرەتان ڤە و دوو هزار و ٨٢٨ ژ ئالیێ زەلامان ڤە هاتینە دەرخستن، دوو هزار و ١٥٤ مولەتێن گشتی و ٥٠ مولەتێن پێشەسازیا چاندنێ و ٣١ مولەتێن
ماتۆرسکلان ب شۆفێران هاتینە دان، هەڤدەم، پێنج هزار و ٣٩٧ ترۆمبێلێن جودا هاتینە
تۆمارکرن.
دەربارەی رۆژانێن جەژنێ ژی دیارکر، زێدەتری
هزار و ٥٠٠ پۆلیسێن هاتن و چوونێ بۆ حەفت رۆژێن جەژن و بهنڤەدانێ ل هەمی ترافیک و
رێکێن چوونا گۆرستانان و جهێن گەشتیاری و یاریێن بچیکا و جهێن گشتی دگەل هێزێن دی
یێن ئەولەکاریێ دێ د کاری دابن.
بەحسا وێیەکێ ژیکر، هەر شۆفێرەکێ سەرپێچیێ
بکەت ترۆمبێلا وی دێ هێتە دەستبسەرکرن هەیا پشتی جەژنێ ناهێتە ڤەگەراندن.