AM:09:45:26/01/2022
724 جار خوێندراوەتەوە
+
-
دەزگەهێ لوتکە ڕاگەهاند، بڕیارە تەرمێ نەهـ
کۆچبەرێن کورد کو د دەریایا ئیجەدا خەندقیبوون ڤەگەریننە هەرێما کوردستانێ.
نوینەرێ دەزگەهێ لوتکە ل یونان ڕاگەهاند،
بڕیارە تەرمێ چار ژ قوربانیێن دەریایا ئیجە ل ٢٧ی ڤێ مەهێ ل ئەیسنایا پایتەختێ
یۆنانێ برێبێخن و ل ٢٩ی مەهێ بگەهنە بالەفڕخانەیا نیڤدەولەتیا هەولێرێ و ڕادەستی
کەسوکارێن وان بهێنەکرن.
ئاماژە ب وێیەکێ ژی کر، تەرمێ پێنج ژ
قوربانیێن دی ژی د گەشتا دووێ دا و ل ٢٩ی مەهێ ژ ئەسینا برێبێخن و ١ی مەها ٢
بگەهنە هەولێرێ.
ژ ئالیێ خۆ ڤەژی، ئاری جەلال سەرۆکێ دەزگەهێ
لوتکە ڕاگەهاند، ئەڤ نەهـ کۆچبەرە هەمی وەلاتیێن هەرێما کوردستانێ نە و هەشت
کۆچبەر ژوان رەگەزێ مێنە و ئێکە دی ژی ژ ڕەگەزێ نێرە.
ئەڤە کەسە ژ ئەنجامێ بن ئاڤبوونا یەختەکێ بوو
ل ٢٣ی مەها ١٢ یا سالا دەربازبووی د دەریایا ئیجەدا ل نێزیک یۆنان ژیانا خۆ ژ دەستدابوون
و ٥٧ کۆچبەرێن دی ژی د وێ بوویەرێ دا رزگار ببوون.