AM:09:07:26/01/2022
1728 جار خوێندراوەتەوە
+
-
ژێدەرەکی ژ وەزارەتا دارایا حکومەتا هەرێمێ بۆ
ئێن ئاڕ تی ڕاگەهاند، ئەڤرۆ مووچەیێ وەزارەتا پێشمەرگە و سوبەهی ژی یەکەیێن ٧٠ و
٨٠ دهێنە پارڤەکرن.
ئەڤرۆ چارشەمبی، ژێدەرەکی ژ وەزارەتا دارایا
حکومەتا هەرێمێ بۆ ئێن ئاڕ تی ڕاگەهاند، ئەڤرۆ مووچەیێ مەها ئێک یێ وەزارەتا پێشمەرگەی
دێ هێتە پارڤەکرن.
ژێدەری بەحسا وێیەکێ ژی کر، سوبەهی پێنج شەمبێ
ژی یەکەیێن ٧٠ و ٨٠ یێن هێزێن پێشمەرگەی دێ مووچەی وەرگرن.
ئاماژە ب وێیەکێ ژی کر، ل ٢٨ی ڤێ مەهێ هەیا
چاری مەها داهاتی پارەیێ فرۆتنا پەترۆلا هەرێمێ ژی دێ گەهیتە وەزارەتا دارایی.
ئەڤە ژی ددەمەکێ دایە، داهاتێ حکومەتا هەرێمێ مەهانە
زێدەترە ژ دوو ترلیۆن دیناران، د دەمەکێ دا هەمی مووچەیێ فەرمانبەران پێتڤی ب ٩٠٠
ملیار دینارانە، لێ حکومەت مەهانە چاڤێ وێ ل ٢٠٠ ملیار دینارێن بەغدا یە و ب وێ هێجەتێژی
پارڤەکرنا مووچەی پاشدکەڤیت و د دەمێ خۆدا ناهێتە پارڤەکرن.