PM:10:10:25/01/2022
856 جار خوێندراوەتەوە
+
-
میدیایێن عێراقێ بەلاڤکرنە، سێ ساروخێن
قەبارەیێ بچیک، ل نزێکی میهڤانخانەیا محەمەد حەلبوسی سەرۆکێ پەرلەمانێ عێراقێ ل
قەزا گەرمەیا سەر ب باژێرێ ئەنبار ڤە کەفتنە خارێ و ب وێ سەدەمێ ژی دوو زارۆک
برینداربوون و زیانێن مەزنێن ماددی ژی هەبوون.
ژێدەرەکێ ژ ئەولەهیێ بۆ ئێن ئاڕ تی ڕاگەهاد،
ساروخ ل دەمژمێر ٩:٢٥ خولەکێن ئەڤ شەڤە کەفتنە خارێ و ئێک ژ ساروخان لسەر جاددەیا
٢٠ مەتری کەفتە خارێ، ئەوێن دی ژی ل گەراجا باژێرڤانیا قەزایێ و دەڤەرا ڕەشاد
بوون.
هەڤدەم، نێزیکرتین ساروخ ل مێهڤانخانەیا
حەلبوسی؛ یا سیێ ژی ل دەڤەرا ڕەشاد کەفتیە خارێ.
لگۆرەی زانیاریان ب سەدەمێ بوویەرێ دوو کەس
برینداربوون و ئێک ژی زارۆکەکێ پێنج سالە و هەردوو بریندار بۆ نەخۆشخانەیێ هاتنە
شاندن.
ئاماژە ب وێیەکێ ژیکر، دنهادا هێز ێن
ئەولەهیێ ل دەڤەرێ بەلاڤکر و چەند زالگەهـ هاتینە دانان ژبوی وێیەکێ هەر
گومانلێکریەکێ پەیوەندی ب بوویەرێ ڤە هەبیت دەستەسەر بکەن.
ئەڤە ژی ددەمەکێ دایە، بەرێ سپێدەهیا رۆژا ئەینی ١٤ی ڤێ مەهێ،
بەغدایا پاتەختێ عێراقێ دوو هێرش بخۆڤە دیتن کو کرنە سەر دوو بارگەهێن هەڤپەیمانیا
تەقەدوم کو ژ ئالیێ محەمەد حەلبوسی ڤە سەرۆکایەتیا وێ دهێتەکرن، دگەل بارگەهێ عەزم
کو ژ ئالیێ خەمیس خەنجەر ڤە سەرۆکایەتیا وێ دهێتەکرن ل دوو دەڤەرێن جودا یێن وی
باژێری.