PM:09:38:25/01/2022
824 جار خوێندراوەتەوە
+
-
رێکخراوا نەتەوەیێن هەڤگرتی ڕاگەهاند،
"ڕەوشا وەلاتیێن سڤیل ل باژێرێ حەسەکێ یا سوریا گەلەک دلگرانکەرە"، ئەو
ژی هاتیە، ئۆپەڕاسیۆن ب بەژداریا هەسەدێ و ب پشتەڤانیا هێزێن هەڤپەیمانان
بریڤەدچیت و هەسەدەژی ب هێزا کوردی بناڤکر.
ڕاڤینا شامداسانی پەیڤدارێ کۆمیسەرێ مافێن
مرۆڤی یێ سەر ب نەتەوەیێن هەڤگرتی ڤە، د دەما کۆنفڕانسەکێ رۆژنامەڤانیدا ل
نڤیسینگەها نەتەوەیێن هەڤگرتی ل باژێرێ جنێڤ یا پایتەختێ سویسرا ڕاگەهاند،
"ڕەوشا وەلاتیێن سڤیل ل باژێرێ حەسەکێ یا سوریا گەلەک دلگرانکەرە".
بەحسا وێیەکێ ژی کریە، پەکەکێ ب هاریکاریا
بافەڕێن هێزێن نیڤدەولەتی ژ ئەسمانی هێرشی زیندانێ کر و ئاڤاهیێ سەرەکی یێن
گرتیگەها پێشەسازی کۆنترۆلکر کو تایبەت بوو ب چەکدارێن داعش و نێزیکی پێنج هزار
گرتیان تێدابوون و ئەڤەژی مەزنترین گرتیگەها باکورێ رۆژهەلاتا سوریایە.
هەڤدەم، دەربارەی هێزێن سوریا دیموکرات
هەسەدێ ژی بەحسا وێیەکێ کر، کو "هەسەدە؛ هێزا بەرەڤانیا سوریایە کو ژ ئالیێ
کوردان ڤە سەرۆکایەتیا وێ دهێتەکرن و ئۆپەڕاسیۆنێن دەڤەرێ ژی ب بەژداریا (هەسەدێ)
و ب پشتەڤانیا هێزێن هەڤپەیمانیان کو ژ ئالیێ ئەمریکا ڤە رێبەریا وێ دهێتەکرن،
برێڤە دچیت".
ئەو ژی د دەمەکێ دایە،
بۆ دەمێ پێنج رۆژانە رووبرووبون بەردەوامە دناڤبەرا هێزێن سوریا دیموکرات و هێزێن
ئاسایشا ناڤخۆیا رۆژئاڤایێ کوردستانێ دا لهەمبەر چەکدارێن داعش بەردەوامە و هێزێن
سوریا دیموکرات بەحسا وێیەکێ کرینە هەیا نها ژمارەیا وان چەکدار و زیندانیێن داعش
کو خۆ ڕادەستکرینە گەهشتیە زێدەتری ٥٥٠ ی کەسان.
شەڤا ٢٠ی ڤێ مەهێ چەند
چەکدارێن داعش هێرشکرنە سەر گرتیگەها غوێران ل باژێرێ حەسەکێ ل رۆژئاڤایێ کوردستانێ
و کوشتی و بریندار لدیڤ خۆ ئینان، کو زیندان نێزیکی چار هزار چەکدارێن داعش تێدا دەستەسەرکری
بوون.
دەستپێکێ هێرش ب ڤی
ئاوای دەستپێکر، کو ترۆمبێلەکا سوتەمەنیێ ل نێزیک زیندانێ هاتە تەقاندن و پشترە
ماترۆسیکلەک ل تەنیشت دیوارێ گرتیگەهێ هاتە تەقاندن و ترۆمبێلەکا بۆمبەکری ل هەمان
جهی هاتە تەقاندن و شەڕی دەستپێکر.