AM:10:36:25/01/2022
644 جار خوێندراوەتەوە
+
-
وەزارەتا بەرەڤانیا ئەمریکا "پنتاگۆن" ڕاگەهاند، وەلاتێ وان هەشت هزار و ٥٠٠ سەرباز ژ پێخەمەت پشتەڤانیکرنێ ل هێزا بەرسڤدانا سەر ب ناتۆیێ بۆ رەوشا چاڤەڕێنەکری ژ قەیرانێن ئۆکرانیا خستنە د حالەتێ ئامادەباشیێدا.
جۆن کێری پەیڤدارێ وەزارەتا بەرەڤانیا ئەمریکا "پنتاگۆن" د کۆنفرانسەکێ رۆژنامەڤانیدا ئەشکەراکر، وەلاتێ وی هەشت هزار و ٥٠٠ سەرباز ژ پێخەمەت پشتەڤانیکرنێ ل هێزا بەرسڤدانا سەر ب ناتۆیێ بۆ رەوشا چاڤەڕێنەکری ژ قەیرانێن ئۆکرانیا خستنە د حالەتێ ئامادەباشیێدا.
ئاماژە ب وێ یەکێ ژی کر، ئالوزیێن سەر سنورێ دناڤبەرا روسیا- ئۆکرانیا بەرف زێدەبووینە.
دبێژیت ژی، "ب فەرمانا سەرۆکی د بن رێنمایێن وەزیر ئوستن-دا، ب مەرەما وێ یەکێ ئەمریکا ئارتێشێ بێخیتە د ئامادەباشیێدا، هژمارەکا پێنگاڤان گرتینەبەر، د وی کڤانیدا، ئامادەنە بۆ بەرسڤدانێ و دناڤبەرا وان ژیدا پشتەڤانیکرن ل هەر زنجیرە رەوشەکا چاڤەڕێنەکری و ژ ئەگەرێ دەستبکاربوونا هێزا بەرسڤدانێ یا سەر ب ناتۆیێ".
بەحسا وێ یەکێ ژی کر، ئەو سەربازێن هاتینە ئامادەکرن ب تنێ د حالەتەکیدا دێ هێنە رەوانەکرن کو هێزا بەرسڤدانا ناتۆ بهێتە چالاککرن و د نهادا چ بڕیارەک دوی دەربارەیدا نەدایە.
ئەڤە ددەمەکیدایە، ئالوزیێن بسەدەمێ کۆمکرنا سەرباز و جەبخانەیێن سەر سنورێ ئۆکرانیا ژ ئالیێ روسیا، بەرەف زێدەبوونێیە، ئەمریکا ژی ب مەرەما بهێزکرنا چەنگێ رۆژهەلاتێ ناتۆیێ، سەرگەرما پلاندانانێیە.