سەرنووچە:

کەفتنەخارا بالافرا ئۆکرانی مژارا کوشتنا قاسم سولەیمانی داخست!

1/11/2020 11:48:44 AM
8271 جار خوێندراوەتەوە
هشیار محەمەدسلیم نێروەى
+ -

دەمەکێ درێژە پەیوەندیێن ئەمریکا و ئیرانێ د ئالوزن، بەردەوام ھەڤرکیێن سیاسی گەرم دبن ھەر یەک ژ وان ژی بزاڤان دکەت بەرژەوەندیێن خۆ لسەر حسابا ئالیێ دی و د ناڤ ولاتێن دی داپێشبێخن، ھەڤرکیێن وان دوو ولاتان د ٣ێ ڤێ مەهێ دا گەھشتنە مەزترین ئاستێ ھەڤرکیێ کو کوشتنا قاسم سولەیمانی فەرماندارێ فەیلەقا قودسا ئیرانێ بوو کو شاھدەمارا پەیوەندی و بەرژەوەندیێن ئیرانێ یێن دەرڤە بوویە، و ئەبومەھدی موھەندیس جێگرێ سەرۆکێ دەستەیا حەشدا شەعبیبوویە، ھەڤدەم ئیرانێ دروشم و داخویانیێن پری گەف و تولڤەکرنێ دان، پشتی ھەیامەکێ کێم ئیرانێ دھەمان دەمێ کوشتنا سولەیمانی دا ھێرشکرە سەر بنگەھێن ئەمریکا ل ئەمبار و ھەولێرێ لێ ئامانج نەئینان و ئیرانێ وەسا راگەھاند کو مە تولا قاسم سولەیمانی ڤەکر و تەمام.

بوچی مووشەکێن ئیرانێ ئارمانج نەئینا ؟

لدیف ھند ژێدەرێن ئاگەھدار د وێ مژارێ دا ئاماژە ب وێ یەکێ کر کو ھەماھەنگی د ناڤبەرا ئیرانێ و ئەمریکا دا ھەبوویە و بەری مووشەک بھێنە ھاڤێتن ئەمریکا ئاگەھدارکری، مووشەکێن ئیرانێ د لاواز نینن، لێ ئیرانێ بتنێ دڤیا بەرسڤدانەکێ ئەنجام بدەت، ژبەرکو ئەگەر ئیرانێ ئەو سەربازگەھێن ئەمریکا کربوونە ئارمانج، ئیران  دا ب دەستێن خۆ، خۆ ژناڤبەت، ژبەرکو د نھا دا ھەیا ئاستەکێ فەراغا جھێ سولەیمانی یاھەی و مەترسیا دروستبوونا گروپێن جوودا و دوور ژ بەرژەوەندیێن ئیرانێ ل سوریا و لوبنان و یەمەن و عێراقێ ھەیە ژبەرکو ئەو باندوریا جاران یا قاسم سولەیمانی نەمایە، بڤێ یەکێ ئیران نەچارە دەستپێکێ وێ فەراغێ بھێز بکەت و مژارا تولڤەکرنێ بۆ دەمەکێ دی پاشبێخیت، ھەیا رەوش ئارام دبیت، ژبەر کو ئارامبوونا ڤێ رەوشێ وەک ئاگربەستەکێ یە بۆ ئیرانێ، لێ ئەمریکا ھەر زووی خالا لاوەزیا ئیرانێ دیت.

 بوچی کەفتنا بالافرا ئوکرانی بۆ گەرمترین مژارا جیھانی ؟

پشتی ئەمریکا بزاڤێن ئیرانێ دیتین و ھەستپێکری کو ئیران بەردەوام تەکەزیێ لسەر ڤەکێشانێ و ئارامکرنا وێ مژارێ دکر، ئەمریکا ھەر زوو بزاڤکرن مژارەکا دی ڤەکەت و بالافرا ئوکرانی باشترین بژاردەبوو کو ئەمریکا گەرم بکەت و ب ئێکجاری بابەتێ کوشتنا قاسم سولەیمانی نەھێلیت و ئیرانێ بێخیتە د چاڕچوڤەکێ بەرتەنگتر دا، کو ئەمریکایێ ئیران سوجداردکر ب ئخستنە خوارا وێ بالافرێ، ب ڤێ یەکێ ژی ئالوز پەیوەندیێن دناڤبەرا چەند ولاتان و ئیرانێ دا دروستکر، پشتی ئیرانێ دانپێدان کری کو کەفتنا وێ بالافرێ ب شاشی ڤە ب مووشەکەکێ ئێخستیەخار، ئەڤە چەندە ژی دێ باندوریەکا گەلەک مەزن لسەر ئیرانێ کەت، ژ ئالیێ پەیوەندیێن دەرڤە و چەندین سزایێن دی یێن جوودا و پێدڤیە قەرەبوویا وێ رەوشێ بدەت، نھا ئیران یا د لاوازیەکا بەردەوام دا ژ روویێ ھەلویستێن سیاسی و پاراستنا بەرژەوەندیێن خۆ ل دەڤەرێ، ب ڤی ئاوایی ئیران دێ د ڤێ قوناغی دا سیاسەتەکا نەرم و داخوازیا گۆتۆبیژان کەت یان ژی ھەیا ئیران خۆ ژ ڤێ بەرتەنگیێ رزگار دکەت پێدڤیە بزاڤێن نەراستەوخۆ کاودانەکێ درۆست بکەت و فوکسا ئەمریکا بێخیتە سەر وی بابەتی و ئەڤ رەوشا کەفتیە تیدا لسەر وێ سست ببیت.

 د ڤێرە دا ئەم دشێین بێژین ئالوزیێن ئەمریکا و ئیرانێ دێ د بەردەوام بن و ئەڤ قوناغە بۆ ئیرانێ دێ قوناغەکا دژوار بیت، لێ چەکێ د دەستێ ئیرانی دا ئەوە کو ئەندامێن لیژنەیا ڤەکولینا بالەفرێ بتنێ د ئیرانی بن، ھوسا ب کەیفا خۆ دێ شێن وێ مژارێ بۆ ئاراستێن سیاسەتا خۆ پەیرەو کەت و ب گیرووکرنا ئەنجامان دێ سستیێ د بابەتی دا درۆست کەت، بەر کو ئەگەر لیژنەیەکا نێڤدەولەتی ڤەکولینا لسەر بالافرێ بکەت دێ ب یەکجاری لسەر ئیرانێ گران بیت. پێدڤیە ئیران ب ئاوایەکێ بەرفرھـ دەرگەھی گۆتۆبێژان ڤەکەت، ژبەر کو گۆتۆبێژێن ولاتان دگەل ئیرانێ، ئیران بھێز دکەن، و بدەستخستنا رازیبوونەکا نەراستەوخۆیە لسەر سیاسەت و بەرژەوەندیێن ژ ئالیێ ئیرانێ ڤە.