سەرنووچە:

شنگال گوڕەپانا هەڤڕکیێن سیاسی د ناڤبەرا ھەرێم و بەغدایێ دا

1/5/2020 7:26:26 PM
12696 جار خوێندراوەتەوە
سەعدون حسێن شنگالی
+ -

شنگال ناڤەکی مەزنە و قەزایەکا وێران و بێ سەرو بەرە و بوویە مەیدانا ململانێن سیاسی د ناڤبەرا ھەرێم و بەغدایێ دا.

ئەڤا نیزیکی پینچ سالانە شنگال ھاتیە رزگارکرن ژ دەستێ چەکدارین داعش ھەیا نھا ٨٥ ژ سەدی خەلکێ وێ ئاوەرا نە و د رەوشاکا خرابا ژیانێ دا دژین ل ناڤ کەمپاندا ل ھەرێما کوردستانێ و ژبەر شەر و ناکۆکیێن سیاسی ل ناڤبەرا ئالین سیاسی دا ھایە نھا خەلکێ شنگالێ نکارن ڤەگەرنا سەر مال و حالێن خۆ.

شنگال ل مەھا ١٢ سالا ٢٠١٥ھاتە رزگارکرن ژ لایێ ھێزێن بیشمەرگە و یەپەگی ڤە. لێ ژ بەر ناکۆکیێن ل ناڤبەرا ھەردۆ ھێزان دا. خەلکێ دەڤەرێ کرنە قوربانیێن بەرژەوەندیێن خۆیێن حزبی و شنگال ھاتە دابەشکرن ل سەر دوو پارچە لاێی باکور شنگال بۆ ھێزێن پێشمەرگە و لایێ باشور ھەتا دگەھێتە کومەلگەھا خانەسۆرێ کۆ یێ ھەڤ سنورە دگەل رۆژ ئاڤایێ کوردستانێ بۆ ھێزێن پاراستنا گەل یەپەگێ.

دەما چەند سالانە شنگال ل ژێر دەستێ ھێزێن کوردی دا بۆ وچەندین جارا شەر ل ناڤبەرا ھەردو لایان رویدا ڤێ یەکێ ژی کارتێکرنێن مەزن لسەر ئاڤەدانکرنا شنگال و ڤەگراندنا ئاوارەیان کرن و ترسەکا مەزن خستە ناڤ خەلکێ دا ژ بەر ناکۆکی و بەرژەوەندیێن وان یێن تایبەت ل سەر دەڤەرێ ھەر دەڤەر وەکو خۆ ما بێ چ خزمەتگۆزاری بۆ دەڤەرێ بھێنە کرن کو ھایە نھا ھژمارەکا مەزن ژ خەلکێ دەڤەری ژ ئەگەرێ مین و تەقەمەنیێن داعش ژیانا خۆ ژ دەست داینە.

پشتی بوویەرین ١٧ئۆکتۆبەرا ٢٠١٧ و ڤەکشیانە ھێزێن پێشمەرگە ژ شنگالێ و ھاتنا ئارتێشا عێراقێ و حەشدا شەعبی رەوشا دەڤەرێ ژ روویێ ئەولاھیێ ڤە ئالوزتر بوو، دەڤەرێن ئێزیدیان ژ تەڤایا خزمەتگۆزاری و پێدڤیێن ژیانێ ھاتنە پشت گۆھاڤێتن ژ وانا ژی ڤەکرنا نەخۆشخانا و چێکرنا جادا و پاڤژکرنا دەڤەرێ ژ بەرمایکێن داعشێ.

زیدەباری دابیننەکرنا خزمەگوزاریان و دروستکرنا ئالوزیێن بەردەوام ل دەڤەرێ ئەوھێز چەندجاران  بوونە رێگر ل ھەمبەری دەربازکرنا زرگاربوویێن دەستێ داعش ل سنوری شنگالێ و ھەری داویێ ژی دەست ب پرۆسەیا ڤەگەراندنا وان عەرەبێن کو دەست د کوشتن و رەڤاندنا ئێزیدیاندا ھەبوونە، بێی کو چ ڤەکۆلین دگەل وان دا بھێتە کرن ڤێ چەندێ ژی پتر ترس ل دەڤەری پەیداکر کو دێ جارەکا داعش  ل وان جھان سەری ھەلدە و دێ دەست ب کاروچالاکیێن خۆ کەن.