سەرنووچە:

ل بەھدینان پارتی ژ کیژان تایپێ یا تورەیە؟

1/15/2020 7:43:49 PM
14389 جار خوێندراوەتەوە
ئەیاس کەرەم
+ -

کێمەک ڤەگەریان بۆ دیرۆکا پارتی و خاندنا لاپەرێن وێ ل دور بەھدینان زەلال دبیت ئەڤ پارتە ل بەھدینان ب چ رەنگێن فشار و بنپێکاریێن جودا جودا جھێ پێ خۆ ل بەھدینان ب ڤی رەنگێ ھەیی پاراستیە ئەگەر ئەم ئاورەکێ ل پشتی سەرھەلدانا خەلکێ ھەرێمێ ل دژی رژێما بەعس یا ژناڤچویی بدەین ل سالا (١٩٩١) ێ ئەو دیفاکتویێ پارتی ل بەھدینان دروست کری ب رێیێن عەشیرەتگەری و تیرۆرکرنا دەنگێن ئازاد پارتی چەندین دیمەنێن شەرمنانە و شەرانگێزی تا رۆژا ئیرۆ ل پەی خۆ ھشتنە ل ژێر حکومرانیا پارتی.

رێکخراوێن نێڤ نەتەوی یێن چاڤدێریا مافێن مرۆڤان و ئازادیا رادەربرینێ دکەن، چەند راپورتێن رەخنەیی ل دور سەرەدەریێن پارتی دگەل خەلکێ ئۆپۆزسیۆن و چالاکڤان و رۆژنامەڤانان بەلاڤکرن تا وی رادەیی گەلەک ژ چاڤدێرێن سیاسی و رەخنەگر وەسفا وێ ب ھەرێما ژێر حکومرانیا پارتی ب گورستانا ئازادیێ ناڤ لێ دکر ژ خوە بۆ ڤێ چەندێ ژی چەند میناکێن بەرچاڤ ھەنە ھەر ژ تیرۆرکرنا( زەکی ئامێدی) و( سادق سندی) رۆژنامەڤان (وەدات حسێن) ھتد ئەم بھێین تەماشەیی سەرەدەریا ئیرۆ یا پارتی دگەل خەلکێ ئۆپۆزسیۆن دەنگێن نەرازی ژ ڤێ حکومرانیێ ل بەھدینان ھێشتا پارتی ب نەفەسا سالێن نوتان دخازیت ب رێیێن ترس و عەشیرەتگەریێ موھرێ ل بەھدینان بدەت ژ خەلکی را بێژە بەھدینان کەلھا من یا ھەر دەمی یە  کو ئەڤ ژی دگەل سایکولوژیا چینا گەنجان ئانتی یە ژ بەرکو چینەک ژ گەنجان ھەیە نە گوھداریا کەسێن بالا دەستێن عەشیرەتا دکەن نە ترسێ ژ فشارێن پارتی دکەن، تمام گەھشتنە وێ باوەریێ شێوازێ ژیانا نھا ب ئەقلێ نەریتی ب رێدا ناچە ئەڤ چەندە ژی ئوتوماتیک دکەڤیت پێکدادانێ دگەل ئەقلێ نەریتی یێ پارتی کو سەرەدەریێ دگەل جڤاکی پێ دکەت، خەونا ھەردەمی یا پارتی یە ب ڤی ئەقلی گەنجێن بەھدینان بارگاوی بکەت!.

ل ڤێرە بەرەیێ ئانتی ئەقلێ نەریتی ل ھەمبەر پارتی رادبیت ب رێیێن سڤیل و تورێن سوشیال میدیایێ تمام دیمەنەک جیاواز نیشانی پارتی ددەت، پارتی ژی ل ڤی پێگەھی دا تنێ رولێ گایێ ئیسپانی بۆ دمینینت کا چاوا گایێ ئیسپانی ژپەرویێ سور تورە دبیت پارتی ژی وەھا ژ ڤی تایپێ گەنجێن بەھدینان تورە دبیت، یێ مە ژوور باس لێ کری نمونا ھەرە زیندی ژی ئەڤ گرتنێن ڤێ داویێ ل بەھدینان ب تایبەت ل سنورێ ناحیا (شێلادزێ ) ڤێ چەندێ باش زەلال دەن.