سەرنووچە:

مانۆرێن جیاوازێن ئێکەتیێ

12/3/2019 12:34:40 PM
5179 جار خوێندراوەتەوە
ئەیاس کەرەم
+ -

پێناسەیەک ستاندەرد بو ھەیکەلێ ھەر پارتەکێ ھەیە پرانیا شارەزایێن سیاسی ل سەر ھەڤ نێرینن ئەوژی پارت یەکەیەک سیاسیە شور دبیت ناڤا خانەیێن جڤاکی لێ ل ھەرێما کوردستانێ ھەیکەل و بنگەھێ پارتیان جیاوازن دگەل وێ پێناسەیا کورتا ژور باس لێھاتیە کرن.

ئێک ژوان پارتێن ب ھەیکەل و پراکتیکێن خو یێن سیاسی ل قوناغێن خەباتا خو خاستیە جوداھیەک بنگەھی ل گەل پارتێن کوردی پراکتیزە بکەت ئێکەتی نیشتمانی کوردستانە بو پراکتیزەکرنا ڤێ جوداھیا کارێ پارتایەتی کەتیە زور رەوشێن ئالوزێن ناڤخویی ل ڤێ قوناغێ و پێنگاڤ ھاڤێتن بەرەف بەستنا کونگرێ خۆ وەکی سەرکردەیێن ڤێ پارتێ دبێژن ئاستەنگی و دژواری د رێدانە.

ب نێرینا من یا ل ڤی دەمی ڤێ قوناغێ دبیتە خالا وەرچەرخانێ بو ئێکەتیێ بەستنا کونگرەیە ب ڤان جەمسەرێن ئایدلووژی یێن ناڤا ئێکەتیێ دا بێی کو چ گروپێن ھەلگرێن رەھەندێن سیاسی ب چن دەرڤەی ئێکەتیێ پارتەک سیاسی دروست بکەن یان بەرەیەکێ ژ بەرکو د ڤێ رەوشێ ب ئاوایەک راستە راست ئانتیەکێ سیاسی دێ ژ ئێکەتیێ زێدە بە رەنگە باندورو ئاستێ وێ یێ ڤێ ئانتیا سیاسی وەکە دەرکەتنا نەوشێروان مستەفا نەبە ژ ڤێ پارتێ بەس دێ کاریت وەبەرھێنا سیاسی ل سەر کارو ھەلویستێن ئێکەتیێ یێ کەت ئەگەر ب ڤی رەنگی چێبو ئەگەرژی ئێکەتی کاری ب ڤان ھەمو مل ملانێن توخێن نافخویی و ئاراستەیێن جودا کونگرەک بێکو چ ژێک جودابون چێببن ئەڤە ل وی دەمی دبیتە ئێک ژ گاڤێن ئەرێنی بو ئاییندەیێ سیاسی یێ ڤێ پارتێ ئێدی چارەکرنا ئاریشەیێن نافخۆ یا خو دێ ب دیمەنێن جوان ب داوی ئینیت.

ب باوەریا من ھەر پاشخستنەک ددەمێ دیار کری یێ کونگرە دا بێ کرن دێبیتە ئەنەرژییەک بو وان ئاراستەیێن ئایدولوژی یێن جودا دناڤا ڤێ پارتێ ئێدی دێ بیت رێخوشکەر ئەڤ جورە پێکدادانا گروپێن ھەڤدژ مەبەستا  من پێکدادانێن ئایدولوژی دناڤا ڤێ پارتێ ب بیت بنگەھەک بو کادرێن ناڤەندی بکەن ئامرازەک بو گەھاندنا خو بو پلەیێن بلندترێن ئورگانی ئەڤ چەندە ژی ب باوەریا من مەترسی و بارگرانیەک دی ژی ل سەر ڤان بار گرانیێن ھەیی دێ بو ئێکەتیێ زێدەکەت ژ بەر کو تا نھا ژی ئەڤ ململانا ھەی رەنگڤەداناوێ گەلەک توخترە دناڤ پایە بلندێن ئێکەتیێ نەک کادرێن ناڤەندی و رێکخستنا ڤێ پارتێ دئاستێ خوارێ ژبەرکو ئەزمونا کارێن سیاسی یێن پرانیا پارتێن کوردی دەمێ دکەڤن ململانا ناڤخویی دلخوشکەر نینە و ئەنجامێن باش ل پەی نەبونا لێ یا کو نھا پایە بلندێن ئێکەتیێ باس دکەن ئارمانجا وان ئەوە ئێکەتیێ بکەن مودێلەک جوانتر یا کو نھا ھەی ئەڤە ددەمەکیدە کو گیانێ ڤێ پارتێ یێ بریندارە لەوما ئەگەر ئێکەتیێ کاری ڤان ئاستەنگان دەرباس بکەت و کونگرە ددەمێ دیارکریێ خو دا ببەستیت پاش نە ئێخیت چ برینێن دی دی جەستەیێ ڤێ پارتێ زێدە نەبن وی دەمی ب مانورێن جیاوازێن خو ئێکەتی دێ گاڤەک پیڤانی ئاڤێت د ئەزمونا کارێ سیاسی دڤێ قوناغا نھا ھەرێم تێدا دەرباز دبیت.