سەرنووچە:

ئایا پەیرەو یان کەسێ ئێکێ؟

2/27/2019 4:39:53 PM
2029 جار خوێندراوەتەوە
هشیار سەعید
+ -

نڤێسین و دارشتنا پەیرەوێ نافخوەیێ ھەر حزبەکێ مینا یاسا و دەستورەیەکیە پێدڤیە ھەر ژ سەرۆکێ حزبێ پێ پێگر بیت ھەیا ئەندامەکێ ئاسایی، کو ھەر ژ ناڤێ حزبێ بگرە ھەیا پلان، ستراتیژ و ئارمانج و ھەر تشتێ بخوەڤە دگریت، ئەڤە ب کورتی، لێ یا ھاتیە خواستن بھێتە بەحسکرن ئەوە ئایا حزبێن کوردی لسەر پەیرەوێ نافخوە یێ حزبێ دچن یان ژی حزب ب کەسێ ئێکێ ڤە ھاتیە گڕێدان و پەیرەو تنێ نڤێسینا لسەر لاپەرانە ھەر دەما کەسێ ئێکێ یێ حزبێ نەما ئێدی ئەو حزبە وەک پەزەکێ بێ خودان بمینیت، نموونەیێن زیندیێن حزبێن کوردی یێن باشور باشترین بەلگەنە کو پەیرەو تنێ نڤێسینا لسەر لاپەرانە.

یەکێتی پشتی نەخوەشکەتنا مام جەلال!

بۆ ئەگەر ئەم ژ یەکێتیا نیشتیمانیا کودرستانێ دەستپێبکەین، ل سالا ۲٠۱۲ ددەمێ نەخوەشکەتنا مام جەلال کو وی دەمی سەرۆک کومارێ عێراقێ بۆ و سەرۆکێ یەکێتی بۆ ئێدی بال بالانێ دناڤ یەکێتێدا سەرھلدا ھەتا گەھشتییە راگەھاندنا ئەنجومەنێ ناڤەندا بریار کو دیارترین کەس کوسرەت رەسول و بەرھەم ێالح و ھژمارەکا دیار یێن ئەندامێن وێ حزبێ بون، پشترا جودابونا بەرھەم ێالح، ژبلی بال بالانێ و چونا ئەندامێن وێ غیابا مام جەلال بۆ ئەگەر کونگرەیێ نافخوەیێ حزبێ ھەیا نھا ژی نەھێتە ئەنجامدان.

"گۆڕانا نەوشێروان نەمایە" 

 تەڤگەرا گۆران ژی تا رادەکی ب ھەمان ئاوایێ یەکێتی بویە لێ نە وەکە یەکێتی ئاریشە دنافخوەیا ویدا سەرنەھلدان و ھند د زێدەنەبون ئەگەر ھەبانە ژی رەنگە د مەدیایاندا نەھاتبنە بەلاڤکرن یان ژی شیابیت کونترۆل بکەت، ھەیا نەوشێرۆان د ژیانێدا ئەو تەڤگەرە یەک ئاراستە بوو لێ پشتی نەمانا رێکخەرێ گشتی کو نەوشێرۆان مستەفا بۆ وی دەمی، ئێدی ئەو ژی کەتە بەر رەخنەیان ھەر ژ ھەلبژارتنا خانەیا ڕاپەراندنێ گۆران ئەو رەخنە لێ ھات گرتن کو رێ ب گەنجان نەھات دان خوە ھەلبژێرن ھەیا پێ ھاتە گوتن خانەیا پیران، دیارە ئاریشێن نافخوەیا گۆران بەردەوامی کیشا ھەیا گەھشتی وی رادەی ئەو ژی بوونە دوو بال بالەک ب رێبەراتیا قادرێ حاجی علی کو بالێ نەرازی و تورەیە و بالەک ب رێبەراتیا عومەرێ سەید علی و خانا راپەراندن کو بالێ بەرپرسێن نافخوەیا حزبێ یە، بێ گومان ئاریشێن نافخوەیێ ژی بێ کاریگەر نابن رەنگە ھەر ئاریشێن نافخوە ژی ببنە ئەگەر گۆران ب رێژەیا ٥٠٪ دەنگێن خوە ژ دەست بدەت ژ ۲٤ کورسیێن پەرلەمانێ کوردستانێ ببنە ۱۲.

ڕێکەفتنا گۆڕان دگەل پارتی بویە ئەگەر رەخنەگرتن ل تەڤگەرا گۆڕان بەردەوامبن و نە بتنێ ھەلسوراوێن وێ بەلکو ھەیا ئەوێن مەیل ژی بۆ گۆڕان ھەی دبێژن ئێدی گۆڕانا نەوشێروان نەمایە، ئەڤ گوتنە ژی ئاخفتنا مە دسەلمینیت کو پەیرەوێ نافخوەیێ وێ حزبێ نڤێسینا لسەر لاپەرنە و حزبا خوە ب کەسێ ئێکێ ڤە گڕێدایە.

ئایا یەکگرتوو نەریتێ خوە جێبجێکر؟ 

ھەر چەندە د پەیرەوێ نافخوەیێ یەکگرتوویا ئیسلامی یا کوردستانێدا نە ھاتیە کو نابیت کەسەک دوو جاران پۆستەکی وەربگریت بەلێ وان وەکە نەریتەک و جوداھیەک ژ حزبێن دی لدەف خوە پەیداکریە کو نابیت کەسەک دوو جاران پۆستەکی وەربگریت، ئەڤە لگورەی ئاخفتا وان بخوە، بەلێ ئایا ئەڤە ھاتە جێبجێکرن بەرسف! کەواتە وان ژی بەرۆڤاژی ئاخفتنا خوەکر، ژبەرکو ێلاح الدین بھاءالدین ئەمیندارێ یەکگرتوو پشتی ئەمینداری بۆ ھەڤالێن خوە بجھھێلای کو پشتی وی محمد فەرەج ھاتی و پشتی چار سالێن وی تەمام بوین دیسان ێلاح الدین بھاءالدین ڤەگەری بۆ ئەمینداریێ .

ئەرێ کومەلا ئیسلامی ب کەسێ ئێکێ ڤە ھاتیە گرێدان؟ 

ئەوا ھەیا نھا دناڤ کومەلا ئیسلامیدا ب باشی دھێتە دیتن لسەر لسەر ئێک ئاراستە و ئێک ھەلویستییە بریڤەدچیت و یا ئێکگرتییە، لێ ئەڤە وێ چەندێ ناگەھینیت کو کولا ئیسلامی ب کەسێ ئێکێ ڤە نە ھاتبیتە گڕێدان ژبەرکو ھەر ژ جودابونا وێ ژ بزوتنا ئیسلامی ل سالا ۲٠٠۱ێ و ھەیا نھا ب تنێ ئێک کەسی ئەمیراتیا وی وێ حزبێ کریە، کەواتە وان ژی حزبا خوە ب کەسەکی ڤە گرێدایە، رەنگە ژی پشتی نەمانا وێ ژی مینا ھەمان حزبێن مە لسەر بەحسکرین توشی ھەمان ئاریشە ببیت، رەنگە ژی لایەنێ وان یێ دینداری بشیت کونترۆلا ئەڤێ چەندێ بکەت.

پشتی نەمانا بارزانی دێ پارتی چلێ ھێت؟

 ھەیا نھا پارتیا دیموکراتا کوردستانێ شیایە حزبەکا خودان ئێک بریار و ئێک ھەلویست و رێکخستیەکا باش بیت، دیارە ئەڤە ژی بۆ ھەبونا بارزانی ڤەدگەریت، بەلێ یا بێ بەھر ژی نینە ژ ململانی و بال بالانێ ب تایبەت دناڤبەرا نێچیرڤان باررانی و مەسرور بارزانی دا، ھەمی ئاماژە بۆ ھەبونا ململانیەکا توند دناڤبەرا مسرور بارزانی و نێچیرڤان بارزانیدا دچن ھەیا ھندەک جاران ب رێیا ھندەک کەسێن نێزیکی وان ئاشکرابویە، بەلێ نە ب شێوەیەکێ روون و ئاشکرا یان بێژین شیانە کۆنترۆلێ لسەر بکەن نەبیتە جھێ بەحسکرنا میدیایان، بۆ نمونە د پرسا ڕیفراندۆمێدا نێچیرڤان نەدگەل ئەنجامدانا وێ بۆ بەلێ نەشیا ب روونێ ھەلویستێ خوە دەرببریت، دەمەکێدا مەسرور بارزانی ب توندی یێ سەرسەخت بوو بۆ ئەنجامدانا وێ و ھەروەسا ئاماژە ب وێ چەندێ دھێتەکرن پشتی نەمانا بارزانی ململانیەکا توند دناڤبەرا مسرور و نێچیرڤانی دا درۆست بیت و ئێدی ئەو ژی مینا حزبێن دی لێ بھێت ‌و دێ چێبیت ژی، ب دیتنا من بخوە دێ رۆژەکێ نێچیرڤان ژ پارتی جودا بیت ژی.

خویایە باوەرناکەم چ حزب ھەبن ژ پەیرەوێ خوە لانەدابیت ئەگەر ب رێژەکا گەلەکا کێم ژی بیت، ئانکو ب کورتی و کوردی ئەڤا لسەری ھاتی گوتن پێدڤییە پەیرەو ئانکو دەستورێ حزبێ ببیتە رێرەوێ حزبێ ھەر ژ کەسێ ئێکێ ھەتا لایەنگرەکێ ئاسای لسەر بچیت و جێبجێ بکەت و ب کەسەکی ڤە نەھێتە گرێدان کو ھەر دەما کەسێ ئێکێ نەما ئێدی حزب بییتە بال بال و ململانێ دناڤدا سەر ھەلبدەن و ب گشتی ھەتا نمونەیێن حزبێن لسەری ھاتین بەحسکرن دوبارە نەبنە ڤە.