سەرنووچە:

٢٧ێ شوباتێ ڕۆژەکا ڕەشتر ژ ڕەژیێ

2/27/2019 10:37:30 AM
3694 جار خوێندراوەتەوە
كوڤان عیسمەت
+ -

ل سپێدەھیا رۆژا ٢٧ شوباتی سالا ١٩٩٥ ل باژێرێ زاخۆ ھندک کەسێن درندە دناڤ بازارێ زاخۆ دا کارێ خۆ یێ درندانە ب پەقاندنا ترومبیلەکا  تیئێنتێ کری ئەنجام دا، د ڤێ ریدانێ دا نێزیکی ١٠٠ کەسێن سفیل ھاتنە شەھید کرن و زێدەتری ١٥٠ کەسان بریندار بوون، لێ یا ژ ھەمی نەخوشتر ئەوە  ھەتا نوکە ئەڤ ریدانە یا بێ دەنگە و ئەو کەسین ئەڤ کریارا درندانە ئەنجامدای نە ھانتە دیارکرن و زینداکرن و ئەڤ کەیسە ھاتیە پشتگوھـ ھاڤێتن.

دەربارەی ریدانا ٢٧ێ شوباتا ١٩٩٥ێ بتنی کەسەک ب تومەتا ڤێ ریدانێ یێ ھاتیە زیندانکرن لێ ئەم ھەمی دزانین ل سالا١٩٩٥   ئەڤ ریدانە ب کەسەکێ تنێ نەھاتبوو کرن، ھەکەر ئەم ب شێوەیەکێ عاقلانە بەرێخۆ بدەینە ڤێ کەیسێ دێ دیار بیت کو ئەو کەسێ بڤێ کریارێ ھاتیە گونەھبار کرن ھند ئیمکانیات نەبوون ل سالەکا وەکێ سالا ١٩٩٥ فێ کریارا درندانە ئەنجام بدەت، ژبەر وێ چەندێ پێدڤیە ئەڤ کەیسە نەھێتە پشتگۆھـ ھاڤێتن و ئەو کەسێن ئەڤ کریارا تێرورستانە ئەنجامدای پێدڤیە بگەھنە سزایێ خۆ ئەگەر چ کەس یان ژێ ج دەست ل پشترا ھەبن، ژبەرکو  بڤێ کریارا نە مروڤایەتێ ب سەدان جەرگ ھاتینە سوتن و ب سەدان زارۆک بێ سەمیان ماینە و دلێ ھزاران کەسان ھاتینە سوتن ژبەر ھندێ  تشتەکێ نورمالە و مافێ وان کەسانە ئەوێن دلێ وان بڤی ریدانا درندانە ھاتینە سوتاندن جارەکا دێ ڤێ کەیسێ دووبارە ساخ بکەنە ڤە ژبەر کو دێ دلێ وان وی دەمی ئارام بیت دەمێ تێرۆرستێن راستەقینە یێن ڤێ کریارا نە مروڤایەتی بھێنە ئاشکراکرن.

 داخازا ئاشکراکرن و دەستەسەرکرنا گونەھبارێن ڤێ تاوانێ نە بتنێ داخازا خودانێن قوربانیانە بەلکی ئەڤە داخازا ھەر کوردەکێ خودان وژدانە، ژبەر کو ئەڤ کارەساتە برینەکە لسەر دلێ ھەمی کوردان و چ جارا ناھێتە ژبیرکرن، ژبەر وێ چەندێ دڤێت یا پێتفێ بھێتە کرن و گونەھبار بھێتە دیارکرن، مە ئەڤ جەندە دڤێت مە نەڤێت ئەڤ کەیسە بھێتە پشتگۆھـ ھاڤێتن بتنی ھەر سال بتنێ ٢٠ چرکان لسەر گوری وانا راوستن، ئەڤ جەندە دلێ ئارام ناکەت و خەما مە ژێ سفک ناکەت بەلکێ دێ ھنگێ دل ئارام بن و خەم سفک بن دەمێ گونەھبارێن راستەقینە دھێنە ئاشکراکرن.