سەرنووچە:

پاشەڕوژا باشورێ کوردستانێ د مەترسیی دایە

3/30/2019 8:03:59 PM
2481 جار خوێندراوەتەوە
بیلال ئیحسان
+ -

گومان تێدا نابە کو هەر تاکەکێ ل جیهانێ هەبە و دناڤا دورهێلا خودا زانیاری لسەر دەستهەڵاتا خوە هەبن ئەو دێ تا ڕادەکێ پاشەروژا دەستهەڵات و وڵاتێ خوە ژی بزانە، ژبەر وێ یەکێ مە دڤێت ئەم ژی هاولاتیێن خوە یێن باشورێ  کوردستانێ  ژڤێ مەترسیێ هایدار بکەین کو ئەگەر چارە ژێرا نەیێ دیتن دێ ببە مەترسی ل پاشەڕوژێ و سەدەما مالویرانیەکا مەتڕسیدار و سەقامگێری و ئێمناهی یا سیاسی نەمینە و تێکبچە.

قورخکرنا هەموو هێزێن چەکدار بگرە ژ پێشمەرگە و ئاسایش و دژە تیرۆر و  پاراستن ....هتد د دەستێ تاکە کەسان دا مەترسیەکا مەزنە لسەر کوردستانێ ژبەرکو یەک هێز ژی ژ ڤان گوهداریا سەرۆک هێزێن دی ناکە بەروڤاژی دژبەریا وان بوو هەڤدوو نیزیکترە ژ کارکرنا ب هەڤڕا، بوو میناک ل ساڵا ٢٠١٢ ئەنجوومەنێ ئاسایشا هەرێمێ هاتە دامەزراندن ب مەرەما رێکخستنا هێزێن ئاسایش و هەواڵگیریی و مەسرور بارزانی بوو راوێژکارێ ئەڤی ئەنجوومەنی، بەلێ پشتی ٧ سالان سەرکەفتی نەبی  ل رێکخستن و کومکرنا ئەڤان دەزگەها ل بن سیبەرا ئەنجوومەنێ  ئاسایشێ دا، تەنانەت د ڤان حەفت ساڵان دا چ کومبوونەک دناڤبەرا مەسرور بارزانی ڕاوێژکارێ ئەنجومەنێ ئاسایشێ و لاهور شیخ جەنگی بەرپرسێ ئاژانسا پاراستن و زانیاری دا نەهاتینە ئەنجام دان، هەر وەسا ١٦ێ ئوکتوبەرێ باشترین بەلگەیە ژبوو مە.

لەوا تیبینی دکەین ئەف کەسانە ڤان هێزا بوو سەپاندن و پاراستنا خو بکاردئینن و دبیت هەر گاڤا مەترسی بکەڤە سەر دەستهەڵاتا وان ئەو ڤان هێزا ب دژی یەک بکاربینن لەوا  پێتڤی دکە چارەیەک ژبوو وەرە دیتن و ئەڤ هێزە ببن نشتیمانی و بکەفن بن فەرمانا سازیان دا نەکوو هەر کەسەکێ کو د دەستهەڵاتێ دا و نە د دەستهەڵاتێ دا هێزێن تایبەت بخووڤە هەبن و بوو پاراستنا دەستهەڵات و بەرژەوەندێن خو یێن تایبەت بکاربینن .