سەرنووچە:

ئەرێ ما پێدڤی دکە ئاین وەرە ژناڤ برن!

3/2/2020 9:00:23 AM
2852 جار خوێندراوەتەوە
بیلال ئیحسان
+ -

ھەر ژ دەسپێکا مرۆڤایەتیێ وەرە مرۆڤان پەنا بەر ب ئالیەکێ ڤەبریە ژبۆ ھندێ چارەسەریا ئاریشێن خوە یێن سروشتی بکەن، ئاین ژی ھەم یێن ئەسمانی و ھەم یێن ئەردی ئێک ژ وان رێیان بۆیە یێن مرۆڤ بەرەڤ چوین بۆ ھندێ چارەسەریا ئاریشێن خوە یێن سروشتی بکەن و برێکا ڤان ئاینا پشتا خۆ ب ھێزەکا ل پشت گەردونی گرێددەن یان ژی ھەر تشتەکێ دی یێ دەستکرد گرێددەن، مرۆڤ مافدارن دڤێ چەندێ دا ژبەرکو مرن و پشتی مرن زانین و شلوڤەکرنا وان گەلەکا ئالوزە .

نھا سێ ھزر جیھانێ برێڤەدبەن یان ژی دھەڤرکیێ دانە ژبۆ برێڤەبرنا جیھانێ ئەوژی مارکسی و لیبڕالی و ئیسلامی ھندی ھزرا لیبڕالیە کو ئەمریکا و ئەوروپا نونەراتیا وێ دکەن سەبارەت ئاینی ئەو دبێژن ئاین جھێ رێزێ یە و ئەم پشتەڤانیا ئاینا ژی دکەین و بلا ئاین ھەبن و ھەر کەسەک ئازادە چ ئاینەک ھەبت و ھەلبژێریت تنێ ئاریشا مە دگەل ئاینی ئەوە کو نابیت ئاین مایتێکرنێ ددەستھەلاتێ دا بکەت و پێدڤیە ژ دەستھەڵاتێ وەرە جوداکرن (فێل الدین عن سیاسە او الدولە )، بەلێ خودانێن ھزرا مارکسی کو دەولەتێن چین و کوریا باکور و کوبا...ھتد، ئەڤ ھزرە  ل وان وەڵاتان بەڵاڤە دبێژن پێدڤیە ئاین وەرە ژناڤبرن (فێل الدین عن المجتمع ) ژبەرکو ب ھزرا وان ھەتاکو جڤاکێ شیوعی وەرە ھەبوونێ پێدڤی دکە جوداھی دناڤبەرا چو مرۆڤان دە نەمینە و مرۆڤ ھەمی وەکی یەک لێ بھێن، ئاین ژی وەکی نەتەوێ ئەڤا کو لیبڕالی پشتەڤانیێ لێ دکەن و دەولەت لسەر ئاڤاکرنە جوداھیێ چێدکە دناڤبەرا مرۆڤاندا .

ئەڤ ھزرێن مارکسی سەبارەت ئاینی گەلەگ توندن و دبنە ئەگەر مرۆڤ سەرا بیروباوەرێن خوە وەرن کوشتن ژبەرکو بیروباوەر بھایەکێ مەزنە ل دەف ھەر مرۆڤەکێ کرین و فروتن پێ ناھێتە کرن ئەو دبەرھەڤن خوە سەرا بیروباوەرێن خوە بدەن کوشتن، ھەروەسا ئاین تشتەکە دناڤ خوینا مرۆڤاندایە و گەلەکا ب زەحمەتە ژناڤ خوینا وان بـینـنـەدەر، لەوان دبینم ئەم مفای ژ ھزرا لیبڕالی سەبارەت ئاینی بکەین بوو ھندێ لێک گونجاندن و پێکڤە ژیان و ئاشتی و ئارامیێ دناڤ ھەموو کومەلگەھێن مرۆڤایەتی دا بینینە ھەبوونێ، خۆ ژ ھزرێن مارکسی یێن سەبارەت ئاینی دویر بێخین یان ژی چاکسازیێ تێدا بکەین ژبەرکو نابیت مرۆڤ بێنە کوشتن سەرا بیروباوەرێن خۆ یێن ئاینی یان ژی رێگری ل وان بێتە کرن.