سەرنووچە:

ستەمکاریا دادپەروەری ل ھەمبەر کەسانێن روژنامەڤان و ئازادیخواز

2/2/2019 10:47:50 AM
6917 جار خوێندراوەتەوە
دلاوەر سەعدوڵا
+ -

دیاردەیا دەربەدەریێ و ستەمێ و گرتنێ و لێدانێ و ئەشکەنجەدانێ بەرامبەر روژنامەڤانا و کەسایەتیێن ئازادی خواز کارەکێ نەدیموکراسیە و دگەل ھەموو یاسا و رێسایێن نیڤدەولەتی ناھێن گونجاندن ، ھەموو جیھان پێ ئاگەھە کو کارێن روژنامەڤانان بدەستھەلاتا چوارێ دھێت نیاسین ژبەرکو ئەرکێ روژنامەڤانان ئەوە کو گلە و گازندەیێن خەلکێ بوو حکومەتێ رەوانەدکەن و دیسان کێم و کاسیێن حکومەتێ بو خەلکێ ددن دیارکرن ، لەورا زۆرا گرنگە کەسایەتیێن روژنامەڤان ئازادیەکا تەمام ھەبیت نەک بتنێ ل ھەرێما کوردستانێ بەلکو ل تەڤایا جیھانێ ، ھەروەسا رێگریکرن و پێشێلکاریکرن و گرتن و دەربەدەریکرن و ستەم و لێدان و ئەشکەنجەدان ل ھەمبەر کەسانێن روژنامەڤان و کارێن روژنامەڤانی و کەسایەتیێن ئازادی خواز زۆرا ب مەترسیدارە ل سەر دەنگێ ئازاد ژبەرکو دوو کارتێکرنا ب خووڤە دگریت.

(کارتێکرنا نافخوویی و کارتێکرنا دەرەکی )

١- کارتێکرنا ناڤخوەیی :

ئەو پێشێلکاریا ل ھەمبەر کەسانێن روژنامەڤان و ئازادی خواز دھێتەکرن ل ھەرێما کوردستانێ ھوسا دیاردبیت کو ئەو ھێزا ئازادیا دیموکراس نەبوویە ئەوا لایەنێن دەستھەلاتدارێن سیاسیێن ھەرێما کوردستانێ خوو پێ پێناسەدکەن و خوو پێ ددن نیاسین.

٢- کارتێکرنا دەرەکی :

ئەو پێشێلکاریا ل ھەمبەر کەسانێن روژنامەڤان و ئازادی خواز دھێتەکرن ل ھەرێما کوردستانێ دێ بیتە ئەگەرێ کێمکرنا سەنگا ھەرێمێ ل بەرامبەر رێکخراوێن ئازادی خوازێن مروڤایەتی و بیرۆرایا دەربرینا ئازاد ل تەڤایا جیھانێ ئانکو دێ ھێتە دیارکرن کو ھەرێما کوردستانێ رابردوویەکێ خراب ھەبوویە دمێژوویا خەباتا روژنامەڤانی دا و چ دەمان دەستھەلاتا ھەرێمێ پابەند نەبوویە بەرامبەر مافێن روژنامەڤانان.

ل داویێ دبێژم ئەگەر دیاردەیا رێگریکرن و پێشێلکاریکرن و گرتن و دەربەدەریکرن و ستەم و لێدان و ئەشکەنجەدان ب داوی نەھێت و کەسانێن روژنامەڤان و کەسایەتیێن ئازادی خواز نەھێن ئازاد کرن دێ روویێ کوردستانێ بەرامبەر جیھانێ و بەرامبەر روژنامەگەریا جیھانی بروویەکێ رەش و نە ئازادخواز و نەدیموکراس ھێت نیاسین.