سەرنووچە:

تەرمێ کوچبەرەکێ کورد هاتە دیتن

فۆتۆ: 
2019-01-20

448 جار خوێندراوەتەوە

دیجیتال میدیایا ئێن ئاڕ تی، هەولێر، ڕێناس عەلى

یەك ژ وان کوچبەرێن بێ سەروشین کو ل چەند ڕۆژێن بووری د بەلەمەکێ دا ل بەرلێڤێن ئاڤێ ل ولاتێ ئیتالیا بێ سەروشین بووین ئەڤڕۆ تەرمێ وان هاتە دیت.

ئاری جەلال سەرۆکێ دەزگەهێ لوتکە بۆ کاروبارێن ئاوارە و پەنابەران، د داخویانیەکێ دا بۆ دیجیتال میدیایا ئێن ئاڕ تی ڕاگەهاند، ئەو تەرمێ د دەمێ بووری دا ل لێڤێن ئاڤێن ئیتالیا بێ سەروشین بووین، ئەڤرۆ ب دووراتیا ۳۰۰ میتران ل جهێ بوویەرێ هاتیە دیتن.

ئاماژە ب وێ چەندێ ژی کر، ئەو گەنج خەلکێ سلێمانیێ یە، ناڤێ وی هەلکەوت محەمەد حمە عەلی یە و سالا ١٩٩٧ێ ژ دایکبوویە.

ڕاگەیاند ژی، ئەو كەسێن ب قاچاخی برین کەسێن روسی بوون، پشتی دەستەسەرکرنێ بۆ دەمێ سێ سالان هاتیە زیندانی کرن، لێ ب دیتنا وی تەرمی، تومەتا كوشتێ ژی دکەڤیتە سەر وان دوو كەسان، وێ تۆمەتێ ژی دێ بۆ دۆسیەیا وان زێدەکەن و دووبارە دێ هێنە دادگەهکرن.

گوت ژی، د نها دا دگەل باژێرڤانی و پۆلیسێن وی باژاری مژیلی جیبجێکرنا كاروبارێن فەرمیێن دوسیەیا وی گەنجینە و كەسوكارێن وی ژی ل جهێ بوویەرێ نە، دەست ب ڕێکارێن ڤەگەراندنا وی تەرمی بۆ هەرێمی کوردستانێ کرنە.

د دەمێ بووری دا بەلەمەک کو ٥۲ کوچبەر هەلگرتبوون، ل کەنارێن ئیتالیایێ ل بن ئاڤ کەفتیە، لێ یەک ژ ڕێڤینگان کو بێسەروشوێن بوویە، ئەڤڕۆ تەرمێ وی هاتیە دیتن.

م.ن