سەرنووچە:

نەوەى نوێ: هەر هێزەکا دگەل دەستهەلاتێ بجڤیت، ئەم دێ هەڤ ئاوایێ دەستهەلاتێ سەرەدەریێ دگەل کەین

فۆتۆ: 
2019-01-20

181 جار خوێندراوەتەوە

نەوەى نوێ ڕاگەهاند، هەر حزبەکا د گەل دەستهەلاتی ب جڤیت یان پشکداریێ د حکومەتێ دا بکەت، ئەو یا دوورە ژ خەلکى و ئەم دێ سەرەدەریێ  هەڤئاوایێ دەستهەلاتێ دگەل کەین، وەکى ئاماژەیەک ب جڤینا  ئەڤرۆ یا  سەلاحەدین بەهائەدین ئەمینداری گشتى یێ یەکگرتوویا ئیسلامى دگەل مەسعود بارزانى.

ڤەلڤینا نەوەى نوێ د ڕاگەهاندنەکێ دا بەلاڤکر، "ئەم وەکى ڤەلڤینا نەوەى نوێ وەکى هێزەکا ئۆپۆزسیون  یا ڕاستەقینە ب هەمى ئاوایەکێ ڕوونشتنان دگەل پارتى و یەکێتیی ڕەت دکەین، ژبەر کو ئۆپۆزسیۆن بوون ب ڕامانا وێ چەندێ نینە دگەل جووت حزبێن یەکێتى و پارتى دا بجڤن ژ بووى ب دەستڤە ئینانا پۆست و پارەیان یان هەر مەرەمەکا کەسوکى و حزبى".

ئاماژە ب وێ چەندێ ژى کر، هەر حزبەکا دگەل پارتى و یەکێتیێ ب جڤیت، ئەو نە ئەم ب هەڤپەیمانین خۆ دزانین و نە کارێ هەڤپشک دگەل دکەین، ژبەر کو هەر هێزەکا د بەرەیێ خەلکى دا بیت پێدڤیە یا دوور بیت ژ جووت حزب و مالباتان و ئەم وەکى نەوەى نوێ وەها دبینین، چەند دوور بین ژ پارتى و یەکێتی، وەها خەلک دێ ل مە نێزیک بیت.

ڤەلڤینا نەوەى نوێ تەکەز ژ وێ چەندێ ژى کر، "هەمى بزاڤان دێ بۆ درۆستکرنا بەریەکێ دژى دەستهەلاتێ هەیا وى دەمى هێزێن دى دگەل پارتى و یەکێتیێ جڤینان نەکەن و د حکومەتا جووت حزبان دا پشکدار نەبن، هەر هێزەکا سیاسی دەرڤەى پارتى و یەکێتى ڤان کاران بکەت، ئەم دێ وەکى شەریکێ ڕاستەقینە یێ پارتى و یەکێتیێ تەماشەى وى ئالى کەین، و ئەم وەها دبینین ئەڤ جورە ڕەفتاران وەکریە کو دەستهەلات یا بێ خەم بیت ل سەر ئاستێ ئاریشەیێن خەلکى".

ئەڤ ڕاگەهاندنا نەوەى نوێ پشتى وێ چەندێ دهێت کو ئەڤرۆ سەلاحەدین بەهائەدین ئەمینداری گشتى یێ یەکگرتوویا ئیسلامى یا کوردستانێ سەرەدانا مەسعود بارزانى سەرۆکێ پارتى کر و جڤیان.

م.ن