سەرنووچە:

وەزیرێ نەفتا ئیرانێ: چ ئاستەنگیەک بۆ زێدەکرنا شاندنا گازا سروشتی بۆ عێراقێ نینە

ئیران هەولا شکاندنا سزایێن ئەمریکا بۆ سەر خوە ددە
بیژەن نامدار زەنگەنە وەزیرێ نەفتا عێراقێ
فۆتۆ: 
2019-01-12

138 جار خوێندراوەتەوە

بیژەن نامدار زەنگەنە وەزیرێ نەفتا عێراقێ راگەهاند، چ ئاستەنگیەک ل پێشیا وەلاتێ وی بۆ زێدەکرنا رێژەیا شاندنا گازا سروشتی بۆ عێراقێ نینە.

میدیایێن ئیرانێ بەلاڤکرن، بیژەن زەنگەنە سەردانا بەغدایێ کریە و د گەل سامر غەزبان وەزیرێ نەفتا عێراقێ جڤیایە. د جڤینێ دا وەزیرێ نەفتا ئیرانێ راگەهاندیە، ئەو دکارن رێژەیا شاندنا گازا سروشتی بۆ عێراقێ زێدە بکەن.

دەربارێ سزایێن ئەمریکا بۆ سەرئیرانێ ژی، زەنگەنە دیار کر، وەلاتێ وی گرێدایی سزایێن ئەمریکایێ نابە و سزایێن ئەمریکایێ نەیاسایی نە.

هەروەسا دازانین، ئیران دەربارێ رێژەیا شاندنا نەفت و ئاراستەیا شاندنا نەفتێ د گەل چ کەس و ئالیەکی دا گۆتوبێژان ناکە.

وەزیرێ نەفتا ئیرانێ هەروەسا گۆت:" چ ئاستەنگیەک بۆ زێدەکرنا شاندنا گازا سروشتی بۆ عێراقێ نینە و دکارن رێژەیا شاندنێ زێدە بکەن."