سەرنووچە:

ناسا یەکەم وێنە لسەر هەسارا مەریخێ بەلاڤکر

ناسا یەکەم وێنە لسەر هەسارا مەریخێ بەلاڤکر
فۆتۆ: 
2018-11-28

2445 جار خوێندراوەتەوە

ڕۆبۆتی ئینسایت کو ژ ئالیێ ئاژانسا ناسایێ ڤە شاندیە سەر هەسارا مەریخێ، یەکەم وێنەیێ هەسارا سوور شاند.

ئاژانسا بالەفرڤانی و ڤالاهیا ئەسمانی ب (ناسا) ئەڤرۆ یەکەم وێنەیێ سێلفی رۆبۆتی ئینسایتی لسەر هەسارا مەریخێ بەلاڤکر.

ناسایێ د پەریێ گالیسکەی ئینسایت د تۆرا جڤاکیا تویتەرێ دە دگەل وێنەی نڤێسیە، " لێرە بێدەنگیەکا جوان یا هەی، دویڤ دیتنا جهەکێ نوو یێ ئاکنجیبوونێ دگەرێم".

ب مەرەما تێگەهشتنا روویێ ناڤ هەسارا سوور، ڕۆژا ٢٦ێ مژدارا ٢٠١٨ێ ناسا ب سەرکەفتی ڕۆبوتەک ب ناڤێ "ئینسایت" لسەر هەسارا مەریخێ جێگیر کر، ئەڤە ژی هەشتەم جارە د دیرۆکا مرۆڤایەتیێ دە ئامێرەکێ ئەسمانی لسەر هەسارێ بهێتە جێگیر کرن کو ب یەک ژ دژوارترین پێنگاڤان د کومەلا رۆژێدا دهێتە دانان.

رۆبۆت، ژ ئالیێ زانستکارێن ئەمریکی، ئەلمانی و فەرەنسی هاتیە دروستکرن و ژ ئالیێ ناسایێ کار پێ دهێتە کرن، بۆ دەمێ دوو سالان دێ لسەر مەریخێ مینیت و ب رێیا جۆلەپێوێک، هەستەوەرەکێ گەرمی و ئاریەلێکی ڕادیویی زانیاریان لسەر ناڤەرۆکێ هەسارێ کوم دکەت، زانستکار هیڤیدارن نیشانەیێ عەردهەژا ناوەکی و ئاماژەیێن دن لسەر رابردوویێ هەسارەیێ ببینن، ب ئارمانجا تێگەهشتن لسەر پێکهاتیان و چەوانیا ب بیابان بوونا مەریخێ.

ج.ف