سەرنووچە:

ئەڤ شەڤە دێ درێژترین هەیڤ غەیریین ڕوو دەت

فۆتۆ: 
2018-07-27

3435 جار خوێندراوەتەوە

ئەڤ شەڤە دێ درێژترین هەیڤ غەیرین ڕوو دەت کو دێ ١٠٣ خولەکان ڤەکێشیت و دێ دیاردا هەیڤا سور دەرکەڤیت، ئەڤ هەیڤ غەیرینە ب درێژترین هەیڤ غەیرین دهێتە دانان ب درێژاهیا قورنەکێ.

ل گورەى نوچێ مالپەرێ"VOX" درێژترین هەیڤ غەیرینا ڤى قورنى دێ ل شەڤا ئەینى ڕێکەفتى ٢٧\٧\٢٠١٨ ئانکو ئەڤرۆکە روو دەت.

لگورەى وى ژێدەرى دەما هەیڤ غەیرینێ دێ مەریخ زێدە ئاشکرا دەرکەڤیت و هەیڤ ژى ب ڕەنگێ سور، د ئێک دەمدا دێ هەر ئێک ژ ڕۆژ و ئەرد و هەیڤ کەڤنە سەر ئێک هێل و دێ سیبەرا ئەردى ل هەیڤێ دەت و هەیڤ دێ تاریبیت و ناهێتە دیتن.

هەر وەسا ژ ئەڤ شەڤە تا چەند رۆژەکێن دى دێ مەرخ نێزیکترین خالدابیت بۆ ئەردى ب ڕەنگەکى ئەڤە ل سالا ٢٠٠٣ یێ تا نها ئەڤ نزیکبونە نە ڕوو دایە.

ل گورەى زانیاریان دێ ل سەرانسەرى جیهانێ ب سەناهى شێن ڤێ دیاردێ بینن ب تایبەت ل باشورێ ڕۆژهەلاتێ ئەورۆپا.

دیاردا هەیڤ غەیرینێ ڕوو ددەت دەما هەیڤ و ئەرد و ڕۆژ لسەر هەمان هێل بن  ب ڕەنگەکێ سیبەرا ئەردى ل هەیڤێ ب دەت و نەهێلیت تیرۆژکا ڕۆژا ب هەیڤێ بکەڤیت، ب ڤى ڕەنگى دێ هەیڤ بەرزە بیت و ڕەنگێ وێ بۆ سور هێتە گهورین.

ڕ.ع