سەرنووچە:

دەنگدانا گشتى بۆ هەلبژارتنێن پەرلەمانێ عێراقێ دەستپێکر

نێزیکى ٢٤ ملیۆن کەسان مافێ دەنگدانێهەیە
فۆتۆ: 
2018-05-12

892 جار خوێندراوەتەوە

ئەڤرۆ دەمژمێر ٧س سپێدێ دەرگەهێن بنگەهێن دەنگدانێ برویێ هاولاتیێن عێراقێ و هەرێما کوردستانێ هاتەڤەکرن، هەیا نوونەرێن خۆ بۆ چار سالێن داهاتییێن پەرلەمانێ عێراقێ هەلبژێرین.

دەنگ و بنگەهێن هەرێما کوردستانێ ب ڤی ئاوایی ب سەر پارێزگەهاندا دابەشبوونە:

 ل پارێزگەها سلێمانیێ ملیۆنەک و ٣٠٥ هزار و ٢١١ کەسان مافێ دەنگدانێ هەیە و ب سەر ٥٠٣ بنگەهاندا دابەشبوونە.

ل پارێزگەها هەولێرێ ملیۆنەک و ١٢٣ هزار و ٢١٩ کەسان مافێ دەنگدانێ هەیە و ب سەر ٢٩٨ بنگەهاندا دابەشبوونە.

ل پارێزگەها دهۆکی ٧١٦ هزاران و ٣٠٠ کەسان مافێ دەنگدانێ هەیە و ب سەر ٢٥٦ بنگەهاندا دابەشبوون.

ل پارێزگەهێن مادی ١٤٠ ژى هژمارا دەنگان و سندوقێن دەنگدانێ بڤی ئاواینە:

ل پارێزگەها نەینەوا دوو ملیۆن و ٣٩ هزار و ٧٢٨ دەنگدەر هەنە کو ب سەر ٧٤٠ بنگەهاندا دابەشبوونە.

ل پارێزگەها دیالە ملیۆنەک و ١٠٤ هزار و ٤٥ دەنگدەر هەنە کو ب سەر ٤٦٦ بنگەهاندا دابەشبوونە.

 ل پارێزگەها کەرکوکێ ٩٠٦ هزار و ٢٦٢ کەسان مافێ دەنگدانێ هەیە کو زێدەتر دەنگدەرێن وی کوردن و ب سەر ٣١٥ بنگەهاندا دابەشبوونە.

ل پارێزگەها سەلاحەدین ٨٦٨ هزار و ٤٤٠ کەسان مافێ دەنگدانێ هەیە و ب سەر ٢٩٨ بنگەهاندا دابەشبون.

د ئەڤان هەلبژارتناندا ٦٩٩٠ بەربژێر و د چارچوڤەیێ ٨٨ هەڤپەیمانی و قەواریێن سیاسی خوە بۆ بدەستڤەئینانا ٣٢٩ کورسیێن پەرلەمانی بەربژێرکریە، کو ل پارێزگەهێن هەرێمێ  و کەرکوکێ بڤی ئاوای دابەشبوویە:

ل پارێزگەها هەولێرێ، ٢٧٥ بەربژێران د چارچوڤەیێ ٢٧ حزب و هەڤپەیماناندا هەڤرلاکیێ لسەر دەستڤەئینالنا ١٦ کورسیان دکەن.

ل پارێزگەها سلێمانی و هەلەبچە، ١٨٨ بەربژێران د چارچوڤەیێ ٢٦ حزب و هەڤپەیماناندا هەڤرکیێ لسەر بدەستەڤەئینانا ٢٨ کورسیان دکەن.

ل پارێزگەها دهۆکێ، ١١٧ بەربژێران د چارچوڤەیێ ٢٣ حزب و هەڤپەیماناندا هەڤرلاکیێ لسەر دەستڤەئینانا ١٢ کورسیان دکەن.

ل پارێزگەها کەرکوکێ، ٢٩٠ بەربژێران د چارچوڤەیێ ٣١ حزب و هەڤپەیماناندا هەڤرلاکیێ لسەر دەستڤەئینانا ١٣ کورسیان دکەن.

ژ کۆما ٣٢٩ کورسیێن پەرلەمانێ عێراقێ، ٩ کورسیێن کوتا بۆ کەمە نەتەوەیان هاتنە دیارکرن، کو سێ کوریى ل نەینەوا  بۆ ئێزدیان و شەبەک مەسیحیان، ٢ کورسى ل بەغدا بۆ مەسیحی و سابیئیان، یەک کورسى ل هەولێرێ بۆ مەسیحان، یەک کورسى ل دهۆکێ بۆ مەسیحان و یەک کورسی ژى ل پارێزگەها واست بۆ کوردێن فەیلیى هاتیە تەرخانکرن.

هـ.س