سەرنووچە:

دوو کادرێن یەکێتیێ ژ ئالیێ ئاسایشا پارتى ڤە هاتنە دەستەسەرکرن

فۆتۆ: 
2020-03-26

895 جار خوێندراوەتەوە

بەرپرسێ رێکخستنا کومیتەیا یەکێتیێ  ل ناحیا قەسرێ سەر ب قەزا چومان راگەهاند، دوو کادرێن وان بێ بریارا دادگەهێ ل وێ ناحیێ ژ ئالیێ ئاسایشێ ڤە هاتینە دەستەسەرکرن.

وریا وەسانی بەرپرسێ رێکخستنا کومیتەیا یەکێتیێ ل قەسرێ بۆ ئێن ئاڕ تى ڕاگەهاند، درەنگی شەڤا دەربازبووى شەمال مەلا لێپرساوێ بنگەهێ قەسرێ یێ یەکێتیا لاوێن کوردستانێ و کارۆخ بەکر پیشمەرگێ سەر ب یەکێتیێ ڤە ل سنورێ کومیتەیێ بێ بریارا دادگەهێ و ب نەیاسایی هاتینە دەستەسەرکرن هەیا نها ژى دیار نینە بۆ کیڤە برینە.

گوت ژى، "د نها دا رەوشا هەرێما کوردستانێ یا نازکە و وەلاتی مژوولی خۆپاراستنێ نە ژ ڤایرۆسێ کۆرۆنایێ، لێ هێزێن پارتى کادران دەستەسەر دکەن، ژبەر هندێ ئەگەر ب ززوتررین دەم ئەو دوو کادر نەهێنە  ئازادکرن دێ مە هەلویستێ خۆ هەبیت".

ئەڤە ژى د دەمەکێ دایە، سالا دەربازبووى ددەما پێکئینانا کابینەیا نوو یا حکومەتا هەرێمێ ، پارتى و یەکێتیێ کادرێن هەڤدوو دەستەسەردکرن، دیف دا دیل ب دیل ئازاد دکرن.