سەرنووچە:

کێمکرنا کێشا لەشی ب شێوازێ ژاپۆنی

فۆتۆ: 
2018-06-13

1794 جار خوێندراوەتەوە

ل ولاتێ ژاپۆن ئێک ژ وان رێکێن بۆ کێمکرنا کێشا لەشی دهێتە بکارئینان، گەلەک ڤەخارنا ئاڤێ و پەیرەوکرنا هندەک رێکارێن ب ساناهییە.

چێدبیت بێژى، ڤەخارنا ئاڤێ کارەکێ ب ساناهییە، بەلێ داکو مفایێ ساخلەمیێ ژێ وەربگری و ئالیکاربیت بۆ داکەتنا کێشا تە، پێدڤیە چەند رێنمایان بگریبەر.

سپێدەهیان پشتى ڕابۆن ژ خەوێ بەری هەر تشتەکی، هەتا بەری شیشتنا ددانان ژى، پێدڤیە چار پەرداغێن ئاڤێ ڤەخوی، پشترا ٤٥ خۆلەکان چاڤەرێ دکەی ئەڤجا نانێ سپێدەهیا دخۆی، دوو دەمژمێران پشتى نانێ سپێدێ چ ناخۆی، شەڤێ ژی بەرێ نڤستنێ ئاڤ و خێ ددەڤێ خوە وەرددەی.

لگۆری پێگەهێ (فیت ڤۆرڤن) گرنگترین ئەو ئەنجام و مفایێن ژ ئەڤی شێوازی وەردگری، دەرکەتنا مادەیێن ژەهراویە ژ جەستەی، ئالیکاریا دروستکرنا خانەیان و چالاکیا گەدێ دگەل کێمبوونا کێشێ دکەت.

هەروەسا پێگەهێ (ئەبوتیکن ئومشاو) دبێژیت، ڤەکۆلین گرنگیا ڤەخارنا ئاڤێ بۆ جەستەیێ مرۆڤ سەلماندیە، کو ئالیکار دبیت د کێمکرنا ئازارا پشتێ و لێدانا لەزاتیا دڵیدا، هەروەسا ئاڤ گەدێ تژى دکەت و کێمتر هەست ب برسیتیێ دەکەت.

هـ.س