سەرنووچە:

دهۆک.. بۆ بەرهەنگاربوونا کۆرۆنایێ چەند بڕیار هاتنە دان

 ژبۆ ڕێگرتن و خۆ پاراستن ژ کۆرۆنایێ
فۆتۆ: 
2020-02-27

1149 جار خوێندراوەتەوە

دیجیتال میدیایا ئین ئاڕ تی، دهۆک، بڕیار نێروەی

پارێزگارێ دهۆکێ ڕاگەهاند، ژبۆ ڕێگرتن و خۆ پاراستن ژ کۆرۆنایێ بڕیاردانە ب داخستنا هولێن بەهیێ و شەهیانان و کافیتریایان بۆ دەما مەهەکێ.

فەرهاد ئەترۆشی پارێزگارێ دهۆکێ د کۆنفرانسەکا ڕۆژنامەڤانی دا ڕاگەهاند، پێدڤیە هەر کۆمپانیایەکا بیانی و کارکەرێن وان سە‌ردانا ساخلە‌میا دھۆك بكە‌ن بۆ پشتڕاستبوون ژ نە‌مانا مە‌ترسیێن كۆرۆنایێ ب تایبە‌ت خەلکێ وە‌لاتێن كو کۆرۆنا لێ ھە‌ین ئە‌گە‌ر نە‌ دێ بە‌رپرسیاربن.

بەحسا وێ یەکێ ژی کر، نابیت کۆمپانیێن گە‌شتیاری داخوازا ئینانا گە‌شتیاران بکەن ب تایبە‌ت ل وان جهێن کو کۆرۆنا تێدا ھاتیە‌ تۆماركرن.

گوت ژی، چار حالەتێن گومانی یێن کۆرۆنایێ هەبوون لێ پشتی پشکنینان پاقژبوونە و دەرکەفتیە هەلگرێن وی ڤایرۆسێ نەبوونە، د نها دا ژی ل سنورێ پارێزگەها دهۆکێ چ حالەتەکێ توشبوون ب کۆرۆنایێ نینە.

س.م