سەرنووچە:

ڕۆنشتنا پەڕلەمانێ عێراقێ بۆ دەمەکێ نەدیار هاتە پاشداخستن

هەیا دەمەکێ نەدیار
فۆتۆ: 
2020-02-27

225 جار خوێندراوەتەوە

نوچەگەهانێ دیجیتال میدیایا ئێن ئاڕ تی ل بەغدا ڕاگەهاند، هەیا دەمەکێ نەدیار جڤینا پەڕلەمانی هاتە پاشداخستن.

ئومێد محەمەد، نوچەگەهانێ دیجیتال میدیایا ئێن ئاڕ تی ڕاگەهاند، پشتی نیڤرۆیا ئەڤرۆ محەمەد تەوفیق عەلاوی گەشهتیە پەڕلەمانێ عێراقێ و دهاتە چاڤەڕێ کرن ژی دەنگ لسەر بەربژیرێن وەزارەتێن کابینەیا وی بهێتە دان، لێ هەیا دەمەکێ نەدیار هاتە پاشداخستن.

بەحسا وێیەکێ ژی کر، ل دەما گەهشتنا عەلاوی بۆ پەڕلەمانی، محەمەد حەلبوسی، سەرۆکێ پەڕلەنانێ عێراقێ بەرهەڤ نەبوویە پێشوازیێ ژ وی بکەت و ل جهێ خۆ دا، حەسەن کەعبی، جێگری یەکێ یێ سەرۆکێ پەڕلەمانی پێشوازی لێکریە.

دایەزانین ژی، دیڤدا عەلاوی و محەمەد حەلبوسی جڤیانە و پشتڕاژی ڕۆنشتنا چاڤەڕێکریا پەرلەمانی  هەیا دەمەکێ نەدیار هاتە پاشداخستن.

ئەڤەژی د دەمەکێ دایە، پڕانیا ئالیێن کوردی خۆ یەکئالی کریە کو د ژ حالەتێ برێڤەچوونا ڕۆنشتنا پەڕلەمانی، دەنگ ب کابینەیا عەلاوی نادەن، گۆت ژی، سونەیان ژی ژ کۆما ٦٧ پەڕلەمانتاران تنێ ١٥ دێ بەرهەڤێ پڕۆسەیا دەنگدان ب کابینەیا نوو یا حکومەتێ بن و هەڤدەم، د ناڤ شیعەیان دا ژی، هەریەک ژ فراکسیۆنا دەولەتا یاسا و عەسائیب ئەهلی حەق ڕەتکرن دەنگی ب کابینەیا نوویا عەلاوی بدەن.