سەرنووچە:

مەسرور بارزانى: هەیا نها چ حالەتەکی کۆرۆنایێ ل هەرێمێ نەهاتیە تۆمارکرن

فۆتۆ: 
2020-02-27

195 جار خوێندراوەتەوە

سەرۆکێ حکومەتا هەرێمێ سەرەدانا نەخۆشخانەیا هاوارهاتنا ناڤەندا هەولێرێ کر و ڕاگەهاند، خۆشبەختانە هەیا نها چ حالەتەکێ کۆرۆنایێ ل هەرێمێ نەهاتیە تۆمارکرن.

مەسرور بارزانی پشتی سەرەدانکرنا نەخۆشخانەیا هاوارهاتنا ناڤەندا هەولێرێ، کو ژ ئالیێ وەزارەتا ساخلەمیا هەرێمێ بۆ ئەگەرێن توشبوون ب کۆرۆنایێ هاتبوو بەرهەڤکرن، د داخویانیەکێ دا بۆ ڕۆژنامەڤانان ڕاگەهاند، " نەخۆشخانە ب تەمامی هاتیە بەرهەڤکرن و ل پڕانیا پارێزگەهان ژی هەیە، هەیا کو ژ ئەگەرێ هەبوونا هەر حالەتەکێ ب باشترین ئاوا خزمەتێ بکەن".

بەحسا وێیەکێ ژی کر، داخوازێ ژ هەموو وەلاتیێن هەرێمێ دکەت کو ڕێنمایێن وەزارەتا ساخلەمیێ و وەزارەتا ناڤخۆ و ئالیێن پەیوەنیدار جیبجی بکەن.

مەسرور بارزانی زەلالکر ژی، " بەرهەڤیێن هەرێما کوردستانێ ل پێشیا پڕانیا وەلاتێن دەڤەرێ نە، داخواز کریە ژی، وەلاتی هاریکاریا تێمێن نوژداران بکەن و خوە ژی ب پارێزن، بازرگان و دونکاندار ژی ب هەستەکێ بلند سەرەدەریێ بکەن و خوە ژ گرانکرنا کەل و پەل و پێدڤیێن ڕۆژانە یێن خەلکی بپارێزن".