سەرنووچە:

دانیمارک.. یەکەم حالەتێ توشبوون ب کۆرۆنایێ هاتە ڕاگەهاندن

ل ئیتالیا ڤەگەڕیایە
فۆتۆ: 
2020-02-27

172 جار خوێندراوەتەوە

وەزارەتا ساخلەمیا دانیمارکێ ڕاگەهاند، یەکەم حالەتێ توشبوون ب کۆرۆنایێ ژ زەلامەکێ هاتیە تۆمارکرن کو ژ ئیتالیا ڤەگەڕیایە.

بەرپرسێن ساخلەمیێن وەلاتێ دانیمارکێ ڕاگەهاندنە، " وی زەلامی گەشت بۆ هەرێما لامبۆرد یا ئیتالیا کریە و ل دەما ڤەگەڕیانێ و پشتی پشکنینا نوژداری، دەرکەتیە کو توشی کۆرۆنایێ بوویە".

ماگنوس هونیک، وەزیرێ ساخلەمیێ دانیمارکێ ژی ڕاگەهاند، " ئەم دێ ب جدی ڤێ ڕەوشێ  وەرگرین و کارێن مە بۆ ڕێگری کرن ژ ڤێ نەخۆشیێ دەستپێکرنە".

ئەڤەژی د دەمەکێ دایە،  تنێ د دەما دوو ڕۆژان دا ل ٩ وەلاتێن ئەوروپی هەری کێم یەکەم حالەتێن توشبوون ب کۆرۆنایێ هاتنە ڕاگەهاندن.

ئەو ٩ وەلات ژی ئەڤەنە، جۆرجیا، یۆنان، رۆمانیا، نەرویج، نەمسا، کرواتیا، ئیسپانیا، سویسرا و مەکەدۆنیا باکور.

ڤایرۆسا کۆرۆنایا نوو (کۆڤید١٩) ل داویا سالا ٢٠١٩ێ ل باژاڕێ وهانێ یا چینێ بەلاڤبوویە و هەیا نها ژی بوویە سەدەمێ ژیان ژ دەستدانا ٢هزار و ٨٠٥ کەسان و توشبوو ژی ٨٢ هزار و ١٤٣ کەس، دگەل وێیەکێ ژی دا، هەیا نها ٣٢ هزار و ٧٥٦ کەس ژ وێ نەخۆشیێ چێبوونە.