سەرنووچە:

سەرۆکێ هەرێمێ پیرۆزباهی ل هەڤسەرۆکێن یەکێتیێ کر

فۆتۆ: 
2020-02-26

230 جار خوێندراوەتەوە

سەرۆکێ هەرێما کوردستانێ د پەیوەندیەکا تەلەفۆنی دا پیرۆزباهی ژ بافل تالەبانی و لاهور جەنگی کر، ب هەلکەفتا هەلبژارتنا وان وەک هەڤسەرۆکێن یەکێتیێ و هیڤیا سەرکەفتنێ بۆ خواست.

پشتی هەشت ڕۆژان ژ هەلبژارتنا هەڤسەرۆکێن یەکێتیێ، ئەڤرۆ چارشەمبیێ ٢٦ێ سباتا ٢٠٢٠ێ نێچیرڤان بارزانی سەرۆکێ هەرێما کوردستانێ زێدەباری هیڤیا سەرکەفتنێ بۆ یەکێتیا نیشتیمانیا کوردستانێ، بەحسا ڕوولێ دیارێ یەکێتیێ د قۆناغێن خەباتا گەلێ کوردستانێ دا کر.

نێچیرڤان بارزانی هیڤی خواستیە کو هەلبژارتن و دەستبکاربوونا وان، خزمەتێ ب یەکڕێزی و ئاواتێن مام جەلال سەرۆکێ وەغەرکریێ یەکێتیێ بکەت.

ئەڤ پیرۆزباهیا سەرۆکێ هەرێمێ دەمەکێ دایە، ڕۆژا ٢٤ێ ڤێ مەهێ پشتی پیرۆزباهیا مەسعود بارزانی سەرۆکێ پارتیا دیموکراتا کوردستانێ ل بافل تالەبانی، ناڤبری پشکداری د جڤینا پێنج ئالییان دا ل هەولێرێ کر.

ڕژا ١٨ێ ڤێ مەهێ هەریەک ژ بافل تالەبانی و لاهور جەنگی ب پڕانیا دەنگێن ئەندامێن جڤاتا سەرکردایەتیا یەکێتیێ ب هەڤسەرۆکێ یەکێتیێ هاتن هەلبژارتن.

س.م