سەرنووچە:

یەکەم وەلاتیێ فەڕەنسی ژبەر کۆرۆنایێ ژیانا خۆ ژدەستدا

فۆتۆ: 
2020-02-26

265 جار خوێندراوەتەوە

وەزارەتا ساخلەمیا فەڕەنسا ڕاگەهاند، زەلامەکێ تەمەن ٦٠ سالیێ فەڕەنسی ژبەر ڤایرۆسا کۆرۆنایێ ژیانا خۆ ژدەستدایە و ب ڤێ یەکێ ژی هەژمارا جان ژ دەستدایان د وی ولاتی دا بۆ دوو کەسان بلندبوو.

ژیرۆم سالۆمۆن جێگرێ وەزیرێ ساخلەمیا فەڕەنسا ڕاگەهاند، "ئەو زەلامە دوهی ب شەڤ د ڕەوشەکا نەباشا ساخلەمیێ دا گەهاندنە نەخۆشخانەیەکا پاریسێ و پشتی چەند دەمژمێران ژیانا خۆ ژدەستدایە".

هەڤدەم ئاژانسا نووچەییا ڕۆیتەرز بەلاڤکر، وی وەلاتیێ فەڕەنسی سەرەدانا چ ژ وان جهان نەکریە کو ڤایرۆسا کۆرۆنایێ تێدا بەلاڤبوویە.

ئەڤە ژی دەمەکێ دایە، کو یەکەم حالەتێ جان ژ دەستدانێ ل فەڕەنسا گەشیارەکێ چینی بوو. هەڤدەم، هەیا نها ل فەڕەنسا ١٧ کەس توشی کۆرۆنایێ بوونە کو ١١ ژ وان چێبوونە و بۆ مال هاتنە شاندن.

س.م