سەرنووچە:

دهۆک.. خودانێ کوگەهەکا کەرەستێن خوارنێ بۆ دادگەهێ هاتە هنارتن

فۆتۆ: 
2020-02-26

384 جار خوێندراوەتەوە

ئەڤرۆ لیژنا دوفچوونا بازاری سەرەدانا چەندین کوگەهێن کەرستێن خوارنێ ل سەنتەرێ باژێرێ دهوکێ کرن، خودانێ کوگەهەکێ ژى بۆ دادگەهێ هاتە هنارتن.

جەهوەر عەلی قایمقامێ قەزا دهوکێ راگەهاند، ئەڤرۆ چارشەمبێ ٢٦ێ سباتا ٢٠٢٠ێ لیژنا دوفچوونا بازاری سەرەدانا چەندین کوگەهێن کەرستێن خوارنێ ل سەنتەرێ باژێرێ دهوکێ کرن، کوگەها ئاسان یا کەرستێن خوارنێ هاتە گرتن وخودانێ وێ بۆ دادگەهێ هاتە هنارتن.

دازانین ژى، سەدەمێن دادگەهکرنێ ژى ئەو بوویە، کو جهێ وێ لدیف رێنمایێن ساخلەمیێ نەبوویە  و مولەتا کوگەهێ ژى نەبوویە، هەروەسا نێزیکی چار تەنێن کەرەستێن خوارنێ ژ برنج و شەربەتێن دەم بسەرڤەچووی تێدابوون.

زەلال ژى کر، خالا هەری دیار ئەو بوویە کو ل وی کوگەهێ برنجێ دەم بسەرڤەچووی د ناڤ هندەک کیسێن دی یێن نوو دا هاتنە دانان و دەمەکێ دی بۆ بەرهەمئینان و دەمسەرڤەچوونێ دانایە.

ئەڤە ژى د دەمەکێ دایە کو لیژنا دوفچوونا بازارێ دهۆکێ دەما چەند رۆژانە بەردەوام سەرەدانا بازاری دکەت و ٢٣ێ سباتێ سەرەدانا  ١٥ دەرمانخانە و نڤێسنگەهێن فروتنا کەرستێن نوژداران کربوو،  حەفت دەرمانخانە و جهێن کەرستێن نوژداری سزادان.