سەرنووچە:

بارەگەهێ بارزانی ڕاگەهاندنەک دەربارەی پێکئینانا کابینەیا نوویا حکومەتا عێراقێ بەلاڤکر

فۆتۆ: 
2020-02-26

360 جار خوێندراوەتەوە

بارەگەهێ بارزانی ڕاگەهاند، "مەسعود بارزانی ئاریشەیا کەسی دگەل محەمەد عەلاوی دا نینە، تێبینی لسەر شێواز و بەرنامەیێ کار و میکانیزما دیارکرنا بەربژاران هەیە".

ئەڤرۆ چارشەمبێ ٢٦ێ سباتا ٢٠٢٠ێ بارەگەهێ بارزانى راگەهاندنەک دەربارەى پێکئینانا کابینەیا نوو یا حکومەتا عێراقێ بەلاڤکر و راگەهاند، " پشتى ئەرکدارکرنا محەمەد توفیق عەلاوی بۆ پێکئینانا  حکومەتا نوو یا عێراقێ، د چەند میدیایێن عەرەبی و کوردی ژى دا بەلاڤبوویەکو بارزانى ژبەر ئاریشەیێن کەسی و دانانا هندەک کەسێن نیزیک ژ خۆ و بۆ وەرگرتنا وەزارەتان ئاریشەیە دگەل عەلاوی و پرۆسا پێکئینانا حکومەتا نوو هەیە.

گوت ژى، "ب هەمی ئالیەکێ رادگەهینین ڤی بابەتى چ بنەمایەک نینە و بارزانى تێبینی لسەر ئاوا و بەرنامەیێ کارێ عەلاوی و میکانزمێن دیارکرنا بەربژێران بۆ پۆستێن وەزیریێ د حکومەتا عێراقێ دا هەیە".

بەحس ژى کر، "ب وی ئاوا و میکانزمی ماف و داخوازیێن پێکهاتانن و تایبەتمەندیا هەرێمێ ناهێنە بەرچاڤ وەرگرتن و ب پشتراستى ڤە دێ بیتە سەدەمێ کووربوونا کریزێن سیاسی ل عێراقێ".

زەلال ژى کر، "بۆ بارزانى ناڤێن کەسان ئەولەویەت نینە، ئەوا گرنگ پێگیربوونا هەمی ئالیانە بۆ بنەمایێن شەراکەت و هەڤسەنگی و تەوافێ د پرۆست سیاسی د حکومەتا داهاتی دا بهێتە بەرچاڤکرن، دگەل وێ یەکێ ژى هەر وەکی چەند ئالیان عەلاوی بۆ پۆستێ سەرۆک وەزیریێ بەربژێرکری، مافێ هەرێمێ ژی یە کو بەربژێرێن خۆ بۆ پۆستێن وەزاری هەبن و پێدڤیە رێز ل مافێن هەرێمێ بهێنە گرتن".

ئەڤە ژى د دەمەکی دایە کو شاندێ ئالیێن کوردی ژبلی نەوەى نوێ د رازیبوون لسەر دیارکرنا وەزیران بۆ کابینەیا نوو یا عێراقێ، لێ عەلاوی لسەر بەربرژێرێن حزبی رازی نەبوویە، دوهی شاسوار عەبدولواحید سەرۆکی ڤەلڤینا نەوەى نوێ راگەهاند، پشتەفانیا حکومەتەکێ دکەین کو نوونەراتیا داخوازیێن خەلکی بکەت و دووربیت ژ بەربژێرێن حزبی ب حزبێن کوردی ڤە ژی کو خۆ ب سەختە خۆ کرنە نوونەرێن گەلێ کورد.