سەرنووچە:

سلێمانی.. ب سەدان پێشمەرگە ل پێشیا مالا بافل تالەبانی خرڤەبوون

فۆتۆ: 
2020-02-26

1272 جار خوێندراوەتەوە

ل سلێمانیێ ب سەدان پێشمەرگە ل پێشیا مالا بافل تالەبانی هەڤسەرۆکێ یەکێتیێ خرڤەبوونە و داخوازا بلندکرنا پلەیێن خۆ دکەن.

ژێدەرەکێ د ناڤا خرڤەبوونێ دا بۆ ئێن ئاڕ تی ڕاگەهاند، "د دەما کۆنگرەی دا بافل تالەبانی د کۆنگرەی دا سۆز ب مە دایە کو پشتی تەمامبوونا کۆنگرەی دێ کارێن وان بۆ جیبجیکەت، لێ نها دوو مەهـ بسەر کۆنگرەی دا دەربازبوونە و ئەو سۆزە جیبجی نەکرینە".

دیارکر ژی، وان خولەکا لەشکەری تەمامکریە، لێ ڕێکارێن پلە بلندکرنێ بۆ وان نەهاتنەکرن و ب وێ سەدەمێ ژی دەستکاری د مووچەیێن وان دا نەهاتیە کرن.

بەحسا وێ یەکێ ژی کر، "پلەیێن دۆست و خزم و نیاسێن خۆ بلندکرنە یێن مەژی نەهاتنە بلندکرن".

ئەڤە ژی دەمەکێ دایە، پلە بلندکرنا لەشکەری د دەستهەلاتا وەزارەتا پێشمەرگە دایە، لێ کارێن یەکەیا حەفتا ژ ئالیێ یەکێتی نیشتیمانی کوردستانێ ڤە دهێنە بڕێڤەبەرن.

س.م