سەرنووچە:

موقتەدا سەدر دوو داخوازیان ژ مەسعود بارزانى و شاسوار عەبدولواحید دکەت

فۆتۆ: 
2020-02-24

2777 جار خوێندراوەتەوە

موقتەدا سەدر، رێبەرێ رەوتا سەدر دوو داخوازیێن جوودا ژ مەسعود بارزانى سەرۆکێ پارتا دیموکراتا کوردستانێ و شاسوار عەبدولواحید سەرۆکێ ڤەلڤینا نەوەى نوێ دکەت.

ئەڤرۆ موقتەدا سەدر، رێبەرێ رەوتا سەدر د هەڤدیتنەکا تەلەڤزونى دا داخواز ژ مەسعود بارزانى کر، کو هەڤسوزی و ئالیگریا خۆ بۆ ئەمریکا نیشان نەدەت، "ژبەر کو ئەمریکا داگیرکەرە و مفادار نینە".

موقتەدا سەدر، دا داخواز ژ مەسعود بارزانى و ئالیێن کورد و سنوی کر "دابەشکرنا حزبی بهێلن و هەمی پێکڤە بزاڤان بکەین حکومەتەکا باش بۆ عێراقێ درۆستبکەین".

د بەنامەی دا سەدر داخواز ژ شاسوار عەبدولواحید ژى کر بەردەوام بیت پشتەڤانی و ئەنجامدانا خونیشاندانان، ژبەر کو ب گوتنا وی ئەو بەرپرسێن کورد گەندەلن ب هەمان ئاوایێ بەغدا و باشورێ عێراقێ، گەندەلی ل هەرێما کوردستانێ هەیە.

موقتەدا سەدر گوت ژى، "هەر بتنێ دەستهەلاتدارێن شیعە گەندەل نین بەلکی کورد و سونە ژى گەندەلن، دهێتە دیتن کو خونیشاندان ل هەرێمێ و جهێن دی ژى خونیشاندان دژى گەندەلیێ دهێنە کرن".