سەرنووچە:

سەرۆکاتیا هەرێمێ راگەهاندنەک دەربارەى جڤینا ئەڤرۆ بەلاڤکر

فۆتۆ: 
2020-02-24

492 جار خوێندراوەتەوە

سەرۆکاتیا هەرێمێ راگەهاندنەک دەربارەى جڤینا ئەڤرۆ یا بەلاڤکر و راگەهاند، کار بۆ پێکئینانا حکومەتەکێ دێ کەین کو چارەسەرکرنا ئاریشەێن نها یێن عێراقێ هەبیت.

سەرۆکاتیا هەرێمێ راگەهاندنەک بەلاڤکر و راگەهاند، "پێداگریکرن لسەر چاراستنا قەوارێ دەستوریێ هەرێما کوردستانێ و بدستڤەئینانا هەمی مافێن دەستوریێن هەرێمێ و دەڤەرێن ئاریشە لسەر" هەروەسا راگەهاند، پێکهاتێن کوردستانی و سازیێن هەرێمێ بتنێ د کارن بریارا دەستنیشانکرنا نوونەرێن هەرێمێ ل حکومەتا فیدرالی لسەر بنەمایێن هەڤپشکیا راستەقینەیا نیشتیمانى و هەڤسەنگی و سازانێ".

بەحس ژى کر، " ئەوپێنگاڤێن ژئالیێ عەلاوی ڤە هاتینە هاڤێتن ژئالیێ گەلێ عیراقێ ڤە جهێ باوەریێ نینن، داخوازا پێداچوونێ دکەین ب ئاوایێ کار و بەرنامەیێ خۆ دا بکەت ب ئاوایەکێ کو حکومەتا داهاتی لدیف داخوازیێن هەمى پێکهاتێن عێراقێ بیت".

زەلال ژى کر، "کار دێ بۆ پێکئینانا حکومەتەکێ کەین کو شیانێن چارەسەرکرنا ئاریشەێن نها یێن عێراقێ هەبیت،  جهێ باوەریا هەمی پێکهاتێن عێراقێ بیت".

گوت ژى، "ژ بۆ بدەستڤە ئینانا ڤان ئارمانجان، شاندێ هەرێمێ دگەل ئالیێن دی یێن عێراقێ دا بۆ گۆتۆبێژان بەردەوامە".

ئەڤرۆ دووشەمبێ ٢٤ێ سباتێ ژ ئالیێ هەر سێ سەرۆکاتیێن هەرێمێ و چەند ئالیێن سیاسیێن هەرێمێ، دگەل شاندێ دانوستنکارێ هەرێما کوردستانێ بۆ پێکئینانا حکومەتا داهاتی یا فیدرال جڤینەک کر.