سەرنووچە:

لڤینێن بازرگانی ل دەرازینکێن د ناڤبەرا هەرێم و ئیرانێ دا هاتنە ڕاگرتن

ڕێکارێن ڕێگریکرن ژ بەلاڤبوونا کۆرۆنایێ
فۆتۆ: 
2020-02-24

255 جار خوێندراوەتەوە

ژێدەرەکێ ل دەرازینکا پەروێزخان ڕاگەهاند، ژبەر ڤایرۆسا کۆرۆنایێ لڤینێن بازرگانی ژی هەڤئاوایێ گەشتیاری ل دەرازینکێن ناڤەدەولەتی دا هاتنە ڕاگرتن.

ژێدەرەکێ کو نەخواست ناڤێ وی بهێتە ئاشکراکرن بۆ ئێن ئاڕ تی ڕاگەهاند، "ب بڕیارا حکومەتێ تەڤاهیا هاتن و چوونێ ب لڤینێن بازرگانی ژی ڤە ل هەموو دەرازینکێن ناڤدەولەتیێن د ناڤبەرا هەرێم و ئیرانێ دا هاتنە ڕاگرتن".

دایەزانین ژی، "سوبەهی سێشەمبیێ ٢٥ێ سباتێ بڕیار دێ لسەر ڕێکاران هێتە دان، گوت ژی، "د نها دا بڕیار هاتیە جیبجیکرن و دەرازینک هاتنە داخستن".

هەڤدەم هەر ئەڤرۆ مەسعود باتێلی سەرپەرشتیارێ دەرازنیکا ناڤدەولەتیا حاجی ئۆمەران بۆ ئێن ئاڕ تی ڕاگەهاند، لسەر بڕیارا حکومەتا هەرێمێ دەرازینکا حاجی ئۆمەران ب تەمامی هاتیە داخستن.

ئەڤە ژی دەمەکێ دایە، ئەڤرۆ دووشەمبیێ ڕێڤەبەریا ساخلەمیا نەجەف بەلاڤکر، یەکەمین حالەتێ توشبوون ب ڤایرۆسا کۆرۆنایێ هاتیە تۆمارکرن، هەر ژبەر وێ یەکێ ژی ڕێکارێن بەرهەنگاربوونا ڤایرۆسێ توندتر کرنە.

س.م