سەرنووچە:

زاخۆ.. ل ئیبراهیم خەلیل ب مەرەما بەرهەنگاربوونا کۆرۆنایێ جڤینەک هات لدارخستن

فۆتۆ: 
2020-02-24

533 جار خوێندراوەتەوە

ب مەرەما پێنگاڤێن زێدەتر بۆ خۆ پاراستن ژ ڤایرۆسێ کۆرۆنایێ ل دەرگەهێ سنوریێ نێڤده‌وله‌تیێ ئیبراهیم خه‌لیل چەند ئالیێن پەیوەندیدار جڤیان.

حەمزە رەزیکی پەیڤدارێ ساخلەمیا دهۆکێ بۆ ئێن ئاڕ تى راگەهاند، ئەڤرۆ دووشەمبێ ٢٤ێ سباتا ٢٠٢٠ێ ب مەرەما توندکرنا رێکاران  ژ پێخەمەت خۆ پاراستن و کونترۆلکرنا ڤایرۆسێ کۆرۆنا ژ ئالیێ ریڤەبەریا ساخلەمیا دهۆکێ و سەرپەرشتێ دەرگەهێ ئیبراهیم خەلیل و نوونەرێ پارێزگارێ دهۆکێ و سەرپەرشتێن دەرگەهێن سەرزێر و پیشابوورێ جڤینەک ل دەرگەهێن سنوریێ ئیبراهیم خەلیل هاتە لدارخستن.

دازانین ژى، د جڤینێ دا تەکەزی لسەر چاوانیا کونترۆلکرنا دەرگەهێن سنوری هاتەکرن و چەندین خالێن سەرەکی هاتنە بەحس کرن.

زەلال ژى کر، هه‌ر وەلاتیه‌كێ خودانێ ناسنامه‌یا عێراقى بیت و ١٤ێ چلەیا٢٠٢٠ێ سه‌ردانا ولاتێ چینێ كربیت، یان ژى سه‌ردانا ولاتێ ئیرانێ ل پشتى ٥ سباتا ٢٠٢٠ێ كربیت، ژلایێ تیما ساخله‌میا سه‌ر سنورى ب شێوازه‌كێ زانستى دێ بۆ جهێ پێدڤى ل نه‌خوشخانه‌یا ته‌نگاڤیان هێته‌ ره‌وانه‌كرن

دیار ژى کر، ئه‌گه‌ر نیشانێن توشبوونا هه‌لگرتنا ڤایروسێ كورونایێ ل كه‌سەکێ دیار بیت، ل بن چاڤدێریا نوژدارا دێ هێلن، کەسێن نیشان ژی ل دەف نەبن دێ بۆ موتێلەکا تایبەت یا زاخۆ هێنە هنارتن و بۆ دەما ١٤ رۆژان مینیت هەیا پشراست دبن

گوت ژى" ل دەرگەهێن سنوری ستافه‌كێ ساخله‌میێ یێ تایبه‌ت دگه‌ل ستافێن ساخله‌مىا ب جل و ئامیره‌یێن پێدڤى ٢٤ ده‌مژمێران ل خالا پشكنینێ رێكارێن ساخله‌میێ گرنه‌به‌ر، هەروەسا هه‌مى ترومبلێن بارهەلگر و تایبه‌ت دێ ب ده‌رمانێن دژه‌ ڤایروس هێنه‌ ره‌شاندن و پاقژكرن".

تەکەز ژى کر، ب مەرەما هشیار كرنا وەلاتیان بۆ خۆ پاراستن ژ ڤایروس کۆرۆنا، د ناڤ فه‌رمانگه‌هێن كۆمه‌ڵگه‌هێ و جهێن پێدڤى یێن سنورى دێ ب پوسته‌ران و ب زمانێن (كوردى، توركی، عه‌ره‌بى، ئینگلیزى) هێنه‌ به‌لاڤكرن و هه‌لاویستن.