سەرنووچە:

سوبەهی جڤاتا وەزیران دێ لسەر چەند پرسان جڤیت

فۆتۆ: 
2020-02-24

485 جار خوێندراوەتەوە

سوبەهی سێشەمبیێ جڤاتا وەزیرێن هەرێمێ دێ دەربارەی ڕێکارێن بەرهەنگاربوونا کۆرۆنایێ و پێکئینانا کابینەیا نوویا عێراقێ جڤیت.

سوبەهی سێشەمبیێ ٢٥ێ سباتێ ب سەرپەرشتیا مەسرور بارزانی سەرۆکێ حکومەتا هەرێمێ، دێ جڤاتا وەزیران جڤیت، تێدا دێ بەحسا ئەنجامێن پشکداریکرنا شاندا حکومەتا هەرێمێ د کۆنفرانسا میونیخ و دیدارێن ئیتالیا و ڤاتیکان هێتە کرن.

یەک ژ تەوەرێن دی یێن جڤینێ دێ پێکهێت ژ بەحسکرنا داوی پێشهات و گۆهەڕتنێن عێراق و بزاڤێن پێکئینانا کابینەیا نوو یا حکومەتا فیدرال.

دگەل ڤێ یەکێ ژی، دێ پلان و ڕێکارێن حکومەتا هەریمێ بۆ بەرهەنگاربوونا مەترسیا ڤایرۆسا کۆرۆنایێ ب بەرهەڤبوونا پارێزگارێن هەرێما کوردستانێ هێتە گۆتۆبێژکرن.

ئەڤە ژی دەمەکێ دایە، ئەڤرۆ یەکەم حالەتێ کۆرۆنایێ ل عێراقێ هاتە تۆمارکرن و زێدەتری هزار گەشتیارێن هەرێمێ ژی دبن چاڤدێریێ دا هاتنە دانان.

س.م