سەرنووچە:

دەما باوەریدانێ ب حكومەتا عەلاوی هاتە دیاركرن

فۆتۆ: 
2020-02-24

365 جار خوێندراوەتەوە

دەستەیا سەرۆكاتیا پەرلەمانێ عێراقێ، رۆژا پێنجشەمبێ بۆ باوەریدانێ ب حكومەتا عەلاوی دیاركر.

ئەڤڕۆ دووشەمبێ دەستەیا سەرۆكاتیا پەرلەمانێ عێراقێ جڤیا و بڕیاردا کو هەیا  دەما سێ رۆژان  محەمەد تۆفیق عەلاوى، ناڤێن ئەندامێن کابینەیا خۆ پێشکەشى پەرلەمانی بکەت هەیا پێنچشەمبێ د روونشتنەکا نەئاسایی دا دەنگ لسەر بهێت دان.

هەڤدەم ژێدەرەک ژ پەرلەمانێ عێراقێ راگەهاند، کو بەرنامەیا کابینەیا عەلاوی ب سەرۆکاتیا پەرلەمانی گەهشتیە.

دوهی، محەمەد حەلبوسی، سەرۆكێ پەرلەمانێ عێراقێ ب نڤیسارەکا فەرمی داخواز ل ئەندامێن دەستەیا سەرۆكاتیا پەرلەمانی كر، هەیا ئەڤڕۆ دووشەمبێ، دەمژمێر ١١ێ سپێدێ بۆ دیاركرنا ڕۆژا دەنگدانا پەرلەمانی لسەر حكومەتا محەممەد تۆفیق عەلاوی بەرهەڤی جڤینێ بن.