سەرنووچە:

عێراق.. یەکەم حالەتێ توشبوونێ ب کۆرۆنایێ هات تۆمارکرن

وەلاتیەکێ ئیرانیە
فۆتۆ: 
2020-02-24

1766 جار خوێندراوەتەوە

ساخلەمیا نەجەف راگەهاند، ئەڤڕۆ، یەکەم حالەتێ توشبوونێ ب کۆرۆنایێ هاتە تۆمارکرن و دبێژیت، توشبووی خۆاندکارەکێ ئیرانی یە و بەریا چەند رۆژان سەردانا عێراقێ و باژارێ نەجەف کریە.

رەزوان کندى رێڤەبەرێ گشتى یێ ساخلەمیا نەجەف ئەڤڕۆ دووشەمبێ راگەهاند، لگۆر پشکنینا فەرمانگەها ساخلەمیا نەجەف، خۆاندکارەکێ  ئیرانی کو خۆاندکارێ زانستێن ئایینیە ل حەوزەیا نەجەف، چەند رۆژەکن هاتیە باژارێ نەجەف و توشبوویێ ڤایرۆسێ کۆرۆنایێ یە.

راگەهاند ژی، پشتی دەرکەفتنا نیشانێن کۆرۆنایێ، خۆاندکارەک ڤەگوهاستیە بۆ بەشێ تایبەت ب رووبڕووبونا وێ نەخۆشیێ و د هۆلا تایبەت دا هاتیە جووداکرن.

هەڤدەم، وەزیرێ ساخلەمیا هەرێمێ راگەهاند، هەیا نها هزار و ٢٤٩ گەشتیار کو ل ئیرانێ هاتنە ل ١٣ جهان، دبن چاڤدێریا نۆژداری دانە هەیا کو پشکنینێن وان دەربارەى ڤایرۆسێ کۆرۆنایێ دەردچن.